ନାଟ୍ୟକାର ସ୍ବର୍ଗତ ଆନନ୍ଦ ଶଙ୍କର ଦାସଙ୍କ ଉଦ୍ଦେଶ୍ୟରେ ସ୍ମୃତିସଭା

ବାରିପଦା,(ମୁରାରୀ ମୋହନ ମହାପାତ୍ର): ବିଶିଷ୍ଟ ନାଟ୍ୟକାର ସ୍ବର୍ଗତ ଆନନ୍ଦ ଶଙ୍କର ଦାସଙ୍କ ୧୭ ତମ ଶ୍ରାଦ୍ଧ ବାର୍ଷିକୀ ପାଳନ ଅବସରରେ ପୁରବୀ ନାଟ୍ୟସଂସ୍ଥା ଓ଼ ବାରିପଦା କଳାକାର ପରିବାର ଆନୁକୂଲ୍ୟରେ ଏକ ସ୍ମୃତିସଭା ଅନୁଷ୍ଠିତ ହୋଇଯାଇଛି I ପୁରବୀର ସଭାପତି ଡଃ ପ୍ରକାଶ ଚନ୍ଦ୍ର ଦାଶଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ବିଶିଷ୍ଟ ଅଭିନେତା ଓ଼ ନିର୍ଦ୍ଦେଶକ ଧୀର ବସା ମୁଖ୍ୟ ଅତିଥି ଭାବେ ଯୋଗ ଦେଇ ଜଣେ ନାଟ୍ୟକାର, ନିର୍ଦ୍ଦେଶକ ଓ଼ ଅଭିନେତା ଭାବେ ସ୍ବର୍ଗତ ଦାସଙ୍କର ବହୁମୁଖୀ ପ୍ରତିଭା ଉପରେ ଆଲୋକପାତ କରିଥିଲେ I ସ୍ବର୍ଗତ ଦାସଙ୍କର ଜ୍ୟେଷ୍ଠପୁତ୍ର ପାର୍ଥସାରଥୀ ଦାସଙ୍କ ଅଭିଭାଷଣ ସମସ୍ତଙ୍କୁ ଭାବବିହ୍ୱଳ କରିଦେଇଥିଲା I ଅନ୍ୟ ମାନଙ୍କ ମଧ୍ୟରେ ଅଭିନେତା ଓ଼ ନିର୍ଦ୍ଦେଶକ ଅନ୍ନଦା ଶଙ୍କର ଦାଶଙ୍କ ସମେତ ଫାଲ୍ଗୁନୀ ମହାନ୍ତି, କୁନ୍ଦନଲାଲ ଭଞ୍ଜଦେଓ, ଆଶିଷ ବସା, ଶୁଭଶ୍ରୀ ଦାସ, ସୁଲେଖିକା ସୁଚରିତା ମହାନ୍ତି, ରଣଜିତ ସାହୁ, ଜ୍ଞାନରଞ୍ଜନ ପଣ୍ଡା, ପ୍ରୟାସ ଶତପଥୀ, ଦ୍ଵିଜକିଶୋର ପରିଡା, ନିରଞ୍ଜନ ନାୟକ, ବିଜେନ୍ଦ୍ର ରାଉତ, ନଚିକେତା ଦାସ, ତ୍ରିଲୋଚନ ସାହୁ, ଖାରବେଳ ମହାନ୍ତି ପ୍ରମୁଖ ଆଲୋଚନାରେ ଅଂଶ ଗ୍ରହଣ କରିଥିଲେ I ଶେଷରେ ସ୍ବର୍ଗତ ଦାସଙ୍କର ରଚିତ ନାଟକ ଗୁଡିକୁ ପର୍ଯ୍ୟାୟ କ୍ରମେ ବାରିପଦାରେ ମଞ୍ଚସ୍ଥ କରିବା ପାଇଁ ପ୍ରସ୍ତାବ ଗ୍ରହଣ କରାଗଲା I ଫାଲ୍ଗୁନୀ ମହାନ୍ତି ଧନ୍ୟବାଦ ଅର୍ପଣ କରିଥିଲେ I