ନିଆରା ଢଙ୍ଗରେ ପାଳିଲେ କର୍ମବୀର ବୃନ୍ଦାବନ ନାୟକଙ୍କ ୧୧୪ ତମ ଜନ୍ମଉତ୍ସବ

ବ୍ରହ୍ମପୁର, (ଅନିଲ କୁମାର): ବୃନ୍ଦାବନ ନାୟକ ଫାଉଣ୍ଡେସନ ଟ୍ରଷ୍ଟର ସମସ୍ତ ସଭ୍ୟ ମାନେ ହିଲପାଟଣା ସ୍ଥିତ ବୃନ୍ଦାବନ ନାୟକଙ୍କ ବାସଭବନରେ ପରିବାରର ସମସ୍ତ ସଦସ୍ୟ ଏବଂ ପୂର୍ବତନ ହିଞ୍ଜିଳି ବିଧାୟକ ଉଦୟନାଥ ନାୟକ ଏବଂ ନାତି, ନାତୁଣୀ,ପଣିନାତି ଓମ୍, ଅନିଶ,ପୁତ୍ରବଧୂଙ୍କ ଗହଣ ରେ ବୃନ୍ଦାବନ ବାବୁଙ୍କ ଫଟୋରେ ପୁଷ୍ପ ମାଲ୍ୟାର୍ପଣ ଏବଂ ମିଷ୍ଟାନ ବଣ୍ଟନ କରାଯାଇଥିଲା। ଅପରାହ୍ନରେ ରଙ୍ଗେଈଲୁଣ୍ଡା ବ୍ଲକ ସ୍ଥିତ ବାଥଏସ୍ଡା ବାଳା ଆଶ୍ରମ ଠାରେ କର୍ମବିର ସ୍ବର୍ଗତ ବୃନ୍ଦାବନ ନାୟକଙ୍କ ୧୧୪ ତମ ଜନ୍ମ ମୋହତ୍ସବ ପାଳନ ହୋଇଥିଲା। ସେଠାକାର ୧୨୦ ଜଣ ରହିଥିବା ଅନ୍ତେବାସୀ ତଥା କୁନି କୁନି ଛାତ୍ର ଛାତ୍ରୀ ମାନଙ୍କ ଉନ୍ନତ ମାନର ଶିକ୍ଷା ନିମନ୍ତେ ଉକ୍ତ ବାଳାଶ୍ରମକୁ ବୃନ୍ଦାବନ ନାୟକ ଫାଉଣ୍ଡେସନ ଟ୍ରଷ୍ଟର ସଭାପତି ତଥା ପୂର୍ବତନ ବିଧାୟକ ଶ୍ରୀଯୁକ୍ତ ଉଦୟନାଥ ନାୟକ ଛାତ୍ର ଛାତ୍ରୀ ମାନଙ୍କ ପାଇଁ ଚୌକି, ବେଞ୍ଚ ପ୍ରଦାନ କରିଥିଲେ। ଟ୍ରଷ୍ଟର ସମସ୍ତ ସଦସ୍ୟଙ୍କ ଉପସ୍ଥିତରେ ଛାତ୍ର, ଛାତ୍ରୀ ମାନଙ୍କୁ ସୁସ୍ୱାଦୁ ଖାଦ୍ୟ ବଣ୍ଟନ କରାଯାଇ ସେମାନଙ୍କ ଉଜ୍ୱଳ ଭବିଷ୍ୟତ କାମନା କରାଯାଇଥିଲା l
ଶେଷରେ ଟ୍ରଷ୍ଟର ସେକ୍ରେଟାରୀ ଶ୍ରୀ ଗଣେଶ ନାୟକ ଭବିଷ୍ୟତରେ ଆଶ୍ରମର ପିଲାମାନଙ୍କ ଉନ୍ନତି ପାଇଁ ସହଯୋଗ କରିବେ l କାର୍ଯ୍ୟକ୍ରମରେ ସହଯୋଗ କରିଥିବା ସମସ୍ତ ମାନ୍ୟଗଣ୍ୟଙ୍କୁ ଧନ୍ୟବାଦ ଅର୍ପଣ କରିଥିଲେ। ସ୍ବର୍ଗତ ବୃନ୍ଦାବନ ନାୟକଙ୍କ ସ୍ଲୋଗାନ “କର୍ମବିର ହୁଅ ବାକ୍ୟବୀର ନୁହଁ “l ଉକ୍ତ ମହାନ କାର୍ଯ୍ୟକ୍ରମରେ ବିବେକାନନ୍ଦ ଲ୍ୟାଣ୍ଡ ଆଣ୍ଡ ଭୁଇଲଡିଂ ଡେଭଲପର ର ନିର୍ଦେଶକ ବିଚିତ୍ର ପଟନାୟକ, ଆକାଶ ଦାସ, ଚିନ୍ମୟ ରଥ, କେଶବ ପଣ୍ଡା, ଟୁଟୁ ନାୟକ, କାଳିଆ ଗୌଡ଼ ସହ ବହୁ ମାନ୍ୟଗଣ୍ୟ ବ୍ୟକ୍ତି ସହଯୋଗ କରିଥିଲେ l