ନିଖୋଜ ଯୁବକଟିର ଶବ ଉଦ୍ଧାର

ବେଲଗୁଣ୍ଠା, (ସନ୍ତୋଷ ବିଶୋଇ):ଗତ ଏକ ତାରିଖ ଠାରୁ ନିଖୋଜ ଥିବା ଜଣେ ଯୁବକର ଶବ ଆଜି ସନ୍ଦେହଜନକ ଅବସ୍ଥାରେ ଉଦ୍ଧାର ହୋଇଛି I ସୂଚନା ପ୍ରକାରେ ବେଲଗୁଣ୍ଠା ବ୍ଳକ୍ ଶାସନ ପଂଚାୟତ ଲୁଣିପଡ଼ା ଶାସନ ଗ୍ରାମର ରବୀନ୍ଦ୍ର କୁମାର ଗୌଡ଼ଙ୍କ ପୁଅ ସୁନୀଲ୍ କୁମାର ଗୌଡ଼ (୩୦) ଘରୁ କୁଆଡେ଼ ନିଖୋଜ ହୋଇଯାଇଥିବା ନେଇ ଗାଙ୍ଗପୁର ଥାନାରେ ଅଭିଯୋଗପ ହୋଇଥିଲା I ଆଜି ସ୍ଥାନୀୟ ଜଣେ ଗାଈ ଚରାଳି ଗାଈ ଚରାଉଥିବା ସମୟରେ ଅପରାହ୍ଣ ଦୁଇ ଘଣ୍ଟା ସମୟରେ ନୂଆଁ ନାଳ କେନାଲ୍ ପାର୍ଶ୍ୱରେ ଜଣେ ବ୍ୟକ୍ତିଙ୍କ ଶବ ପଡ଼ିଥିବା ନେଇ ଲୁଣିପଡ଼ା ଗ୍ରାମରେ ଖବର ଦେବା ପରେ ଗ୍ରାମବାସୀ ଘଟଣା ସ୍ଥଳରେ ପହଞ୍ଚି ଶବଟି ସୁନିଲ୍ ର ବୋଲି ଜାଣିପାରିଥିଲେ I ଏନେଇ ଗାଙ୍ଗପୁର ଥାନାରେ ଖବର ଦିଆଯିବା ପରେ ଗାଙ୍ଗପୁର ଥାନା ଅଧିକାରୀ ଶୁଭେନ୍ଦୁ କୁମାର ସାହୁଙ୍କ ନେତୃତ୍ୱରେ ପୋଲିସ୍ ବାହିନୀ ଘଟଣା ସ୍ଥଳରେ ପହଞ୍ଚି ସୁନିଲ୍ ର ଶବକୁ ଜବତ କରି ଘଟଣାର ତଦନ୍ତ ଆରମ୍ଭ କରିଥିବା ସୂଚନା ମିଳିଛି I