ନିଜର କାର୍ଯ୍ୟଦକ୍ଷତା ପାଇଁ ଗୃହରକ୍ଷୀ ସୋମନାଥ, ରୂପକ, ପ୍ରଭାତ ଓ ସଞ୍ଜୟ ସମ୍ମାନିତ

ଗଞ୍ଜାମ, (ବିନୋଦ ପଲାଇ):କାର୍ଯ୍ୟଦକ୍ଷତା, କର୍ତ୍ତବ୍ୟନିଷ୍ଠା , ସାହାସିକତା , ଟ୍ରାଫିକ ନିମନ୍ତ୍ରଣ, ଫେରାର ଆସାମୀକୁ ଓ ଗିରିଫ ପରୱାନକୁ ଧରିବା ଭଳି ଉଲ୍ଲେଖନିୟ କାର୍ଯ୍ୟପାଇଁ ଚାରିଜଣ ଗୃହ ଗୃହରକ୍ଷୀଙ୍କୁ ସମ୍ମାନିତ କରିଛନ୍ତି ଗଞ୍ଜାମ ଏସପି ଜଗମୋହନ ମିନା । ସେମାନେ ହେଲେ ଗଞ୍ଜାମ ଥାନାର ସିପାହୀ ସୋମନାଥ ରେଡ୍ଡୀ, ରମ୍ଭା ଥାନାର ରୂପକ କୁମାର ପଲେଇ, ପ୍ରଭାତ କୁମାର ନାହାକ ଓ ସଞ୍ଜୟ ବେହେରା। ଗଞ୍ଜାମ ଜିଲ୍ଲାର ମୁଖ୍ୟଦପ୍ତର ଛତ୍ରପୁର ସଦର ମହକୁମା ପୋଲିସ ପଡିଆ ଠାରେ ଗୃହରକ୍ଷୀ ବାହିନିର ୬୧ ତମ ପ୍ରତିଷ୍ଠା ଦିବସ ପାଳନ ଅବସରରେ ଜିଲ୍ଲା ଗୃହବାହିନୀ ସଂସ୍ଥା ଆନୁକୂଲ୍ୟରେ ଅନୁଷ୍ଠିତ ଉତ୍ସବରେ ମୁଖ୍ୟ ଅତିଥି ରୂପେ ଗଞ୍ଜାମ ଏସପି ଜଗମୋହନ ମିନା ଯୋଗଦେଇ ସମ୍ମାନିତ କରିଛନ୍ତି। ଗୃହରକ୍ଷୀ ମାନଙ୍କୁ ଏଭଳି ସମ୍ମାନ ମିଳିଥିବାରୁ ଗଞ୍ଜାମ ଆଇଆଇସି ସୁମିତ୍ରା ପାତ୍ର ଓ ରମ୍ଭା ଆଇଆଇସି ସତ୍ୟବ୍ରତ ଭୁତିଆ ସମେତ ଅନ୍ୟ ଅଧିକାରୀ ,କର୍ମଚାରୀ ଓ ବିଭିନ୍ନ ମହଲରୁ ଶୁଭେଚ୍ଛା ଜଣାଇଛନ୍ତି।