ନିଳୋକ ପଞ୍ଚାୟତରେ ଜନସଚେତନତା କାର୍ଯ୍ୟକ୍ରମ

ବନ୍ତ, (ଚାନ୍ଦିନୀ ମହାନ୍ତି):ବନ୍ତ ବ୍ଲକ ନିଳୋକ ପଞ୍ଚାୟତରେ ବିଜୁ ଜନତା ଦଳ ପକ୍ଷରୁ ଜନସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅବସରରେ ଅନ୍ୟ ଦଳ ପରିତ୍ୟାଗ କରି ୬ଟି ପରିବାର ବିଜୁ ଜନତା ଦଳରେ ମିଶି ଥିବା ଜଣାଯାଇଛି । ଘରପଦା ଗ୍ରାମରୁ ଏହି ପଦଯାତ୍ରା ଆରମ୍ଭ ହୋଇ ପଞ୍ଚାୟତର ୧, ୨ ଓ ୩ନଂ.ୱାର୍ଡ ଅଧିନ ଘରପଦା, ଦୋଳପଦୀ, ଗୋହିରାପଦୀ, ପଡିଆପଡା ଆଦି ଗ୍ରାମ ପରିକ୍ରମା କରାଯାଇ ଦୋଳପଦୀ ଠାରେ ଶେଷ ହୋଇଥିଲା । ସରପଞ୍ଚ ଅଶୋକ କୁମାର ମହାନ୍ତି ଓ ପଞ୍ଚାୟତ ସଭାପତି ପଦ୍ମନାଭ ନାୟକଙ୍କ ନେତୃତ୍ୱରେ ସୁଶାନ୍ତ କୁମାର ସାହୁ, ବାଇଧର ରାଜ, ନକୁଳ ଚରଣ ଖିଲାର, କରୁଣାକର ସାହୁ, ପୂର୍ଣ୍ଣ ଚନ୍ଦ୍ର ସେଠୀଙ୍କ ସମେତ ବହୁ କର୍ମୀ ଓ ସ୍ୱୟଂ ସହାୟକ ଗୋଷ୍ଠୀର ମହିଳା ମାନେ ଯୋଗ ଦେଇଥିଲେ । ଏହି ଅବସରରେ ଘରପଦା ଗ୍ରାମର ଦୟାନିଧି ବାରିକ, ଭରତ ଖିଲାର, କାଳନ୍ଦି ସାହୁ, ଧରଣୀଧର ସାହୁ, ଶ୍ରୀଧର ବାରିକ, ଦୋଳପଦୀ ଗ୍ରାମର ପ୍ରଫୁଲ୍ଲ ସ୍ୱାଇଁ, ପଡିଆପଡା ଗ୍ରାମର ପଦ୍ମନାଭ ସ୍ୱାଇଁଙ୍କ ସମେତ ସପରିବାର ବିଜେଡିରେ ମିଶିଥିବା ଜଣାଯାଇଛି । କାର୍ଯ୍ୟକ୍ରମରେ କରୋନା ନିୟମକୁ ପାଳନ କରାଯିବା ସହ ଲୋକ ମାନଙ୍କୁ ମାସ୍କ ବଣ୍ଟନ କରାଯାଇଥିଲା ।