ନିଳୋକ ପଞ୍ଚାୟତ ପରିଦର୍ଶନ କଲେ ପ୍ରକଳ୍ପ ନିର୍ଦ୍ଦେଶକ
ବନ୍ତ,(ଚାନ୍ଦିନୀ ମହାନ୍ତି) : ଭଦ୍ରକ ଜିଲା ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ମଧୁସୂଦନ ଦାଶ ବନ୍ତ ବ୍ଲକ ନିଳୋକ ଗ୍ରାମ ପଞ୍ଚାୟତ ପରିଦର୍ଶନରେ ଆସି ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ସମୀକ୍ଷା କରିବା ସହିତ ରେକର୍ଡ ପତ୍ର ଯାଞ୍ଚ କରିଥିବା ଜଣାଯାଇଛି । ଉକ୍ତ ପଞ୍ଚାୟତରେ ବିଭିନ୍ନ ପେନ୍ସନ ଯୋଜନା, ଗ୍ରାମ ସଭା, ପଲ୍ଲୀ ସଭାରେ ମଞ୍ଜୁର ପ୍ରକଳ୍ପ, ପି.ଏମ୍.ଏ.ୱାଇ, ବି.ପି.ଜି.ୱାଇ, ସି.ଏଫ.ସି, ଏସ୍.ଏଫ.ସି, ମହିଳା ସଶକ୍ତିକରଣ ଯୋଜନାର ସମୀକ୍ଷା କରିବା ସହିତ ରେକର୍ଡ ପତ୍ର ଯାଞ୍ଚ କରିଥିଲେ । ସେହିପରି ନବ ନିର୍ମିତ କମ୍ୟୁନିଟ୍ ଶୌଚାଳୟ, ନିର୍ମାଣାଧୀନ ମାର୍କେଟ କମ୍ପେ୍ଲକ୍ସ, କଲ୍ୟାଣ ମଣ୍ଡପ ଆଦି ବୁଲି ଦେଖି ଥିଲେ । ପ୍ରକଳ୍ପ ନିେର୍ଦ୍ଦେଶକଙ୍କ ପରିଦର୍ଶନ ବେଳେ ବିଡିଓ ରେବେକା ବିଲୁଙ୍ଗ, ଏବିଡିଓ ନିଶିକାନ୍ତ ଖୁଣ୍ଟିଆ ଉପସ୍ଥିତ ଥିଲେ । ସମୀକ୍ଷା ଓ ଯାଞ୍ଚରେ ସରପଞ୍ଚ ଅଶୋକ କୁମାର ମହାନ୍ତି, ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ଦୀଲିପ କୁମାର ରାଉତ, ଜିଆରଏସ୍ ପ୍ରଦୀପ ବିଶ୍ୱାଳ ସହଯୋଗ କରିଥିଲେ ।
