ବଡ଼ ଅଫରକୁ ନା କଲେ ଆଲିଆ

(ଯୁଗାଦ୍ଦ ନ୍ୟୁଜ) ବଲିଉଡ୍ର କ୍ୟୁଟ୍ ଗର୍ଲ ଆଲିଆ ଭଟ୍ଟ ବର୍ତ୍ତମାନ କୌଣସି ବଡ଼ ସେଲିବ୍ରିଟିଠାରୁ କମ୍ ନୁହଁନ୍ତି । ତାଙ୍କର ନିଖୁଣ ଅଭିନୟକୁ ସମସ୍ତେ ପ୍ରଶଂସା କରୁଛନ୍ତି । ଆଉ ସେଥିପାଇଁ ଆଲିଆଙ୍କର ଡିମାଣ୍ଡ ମଧ୍ୟ ବଢିବାକୁ ଲାଗିଛି । ନିକଟରେ କରନ୍ ଜୋହର୍ଙ୍କ ଧର୍ମା ପ୍ରଡକ୍ସନ୍ର ବ୍ୟାନର୍ ତଳେ ଫିଲ୍ମ ‘କଲଙ୍କ୍’ ପାଇଁ ତାଙ୍କର ଫାଷ୍ଟ୍ ଲୁକ୍ ରିଲିଜ୍ ହୋଇଥିଲା । ଏହା ପୂର୍ବରୁ ଡାଇରେକ୍ଟର ଅୟାନ୍ ମୁଖାର୍ଜୀଙ୍କ ଫିଲ୍ମ ‘ବ୍ରହ୍ମାସ୍ତ୍ର’ର ଲୋଗୋ ମଧ୍ୟ ରିଲିଜ୍ ହୋଇଛି । ଏହି ଦୁଇଟି ବଡ଼ ବଜେଟ୍ରେ ଫିଲ୍ମରେ ଆଲିଆ ମୁଖ୍ୟ ଚରିତ୍ରରେ ଅଭିନୟ କରିଛନ୍ତି । ଗତବର୍ଷ ଆଲିଆଙ୍କର ଫିଲ୍ମ ‘ରାଜି’ ବକ୍ସ ଅଫିସ୍ରେ ଭଲ କଲେକ୍ସନ୍ କରିଥିଲା ଏବଂ ଦର୍ଶକଙ୍କର ମଧ୍ୟ ବେଶ ପସନ୍ଦ ଆସିଥିଲା । ସମସ୍ତ ଚରିତ୍ରରେ ଆଲିଆଙ୍କୁ ସମ୍ପୂର୍ଣ୍ଣ ଭାବରେ ବୁଡ଼ି ରହିଥିବା ଦେଖିବାକୁ ମିଳିଥାଏ । ଏଥିପାଇଁ ସେ ବହୁତ ପରିଶ୍ରମ ମଧ୍ୟ କରନ୍ତି । ଏହି କାରଣରୁ ଫିଲ୍ମ ମେକର୍ସ ଓ ଡାଇରେକ୍ଟର୍ସଙ୍କ ଆଲିଆଙ୍କୁ ତାଙ୍କ ଫିଲ୍ମରେ ନେବା ପାଇଁ •ହିଁଥାନ୍ତି । ତେବେ ଏହା ମଧ୍ୟରେ ଆଲିଆଙ୍କ ଭାଉ କିଛିଟା ବଢି ଯାଇଥିବା ଚର୍ଚ୍ଚା ହେଉଛି । ବକ୍ସ ଅଫିସ୍ରେ ସବୁଠାରୁ ଅଧିକ ଟଙ୍କା ଉପାର୍ଜନ କରୁଥିବା ପିଲ୍ମ ‘ବାହୁବଳୀ ୨’ର ଡାଇରେକ୍ଟର ଏସ୍ଏମ୍ ରାଜାମୌଲୀ ତାଙ୍କର ଏକ ଫିଲ୍ମ ପାଇଁ ଆଲିଆଙ୍କୁ ନେବାକୁ •ହୁଁଛନ୍ତି । କିନ୍ତୁ ଆଲିଆ ଏହି ପିଲ୍ମ ପାଇଁ ମନା କରି ଦେଇଛନ୍ତି । ଏସ୍ଏମ୍ ରାଜାମୌଲୀ ବର୍ତ୍ତମାନ ‘ଆରଆରଆର’ ଫିଲ୍ମ ପାଇଁ କାମ କରୁଛନ୍ତି ଏବଂ ଏହି ଫିଲ୍ମ ପାଇଁ ସେ ଫିମେଲ୍ ଲିଡ୍ ଖୋଜୁଛନ୍ତି । ତେଣୁ ଏହି ଫିଲ୍ମ ପାଇଁ ରାଜାମୌଲୀ ଆଲିଆଙ୍କୁ ନେବାକୁ ଚାହୁଁଥିଲେ । ମାତ୍ର ଆଲିଆ ଏହି ଫିଲ୍ମ ପାଇଁ ରାଜାମୌଲୀଙ୍କୁ ମନା କରିଥିଲେ କିନ୍ତୁ ଫିଲ୍ମ କଲଙ୍କ’ ଓ ବ୍ରହ୍ମାସ୍ତ୍ର’ର ସୁଟିଂରେ ବ୍ୟସ୍ତ ଥିବା ଯୋଗୁ ଆଲିଆ ଏହି ଅଫରକୁ ମନା କରି ଦେଇଛନ୍ତି