ନୂତନ ବିଡିଓଙ୍କ ଦାୟିତ୍ୱ ଗ୍ରହଣ
ଚାରିଛକ (ଜୁଗାବ୍ଦ ନ୍ୟୁଜ୍): ନିମାପଡା ବ୍ଲକରେ ନୂତନ ବିଡିଓ ଭାବେ ଶ୍ରୀଧର ବିଶ୍ୱାଳ ଗତକାଲି ଦାୟିତ୍ୱଗ୍ରହଣ କରିଛନ୍ତି । ଗତ ଫେବ୍ରୁଆରୀ ୨୫ରେ ନିମାପଡା ବ୍ଲକରେ ବିଡିଓ ଭାବେ ଦାୟିତ୍ୱଗ୍ରହଣ କରିଥିବା ଦାମୋଦର ଖୁଣ୍ଟିଆଙ୍କୁ ଢେଙ୍କାନାଳ ଜିଲ୍ଲା ଗଁଦିଆ ବ୍ଲକକୁ ବଦଳି କରାଯାଇଥିବା ବେଳେ ସେଠାକାର ବିଡିଓ ଶ୍ରୀଧର ବିଶ୍ୱାଳଙ୍କୁ ଏଠାରେ ଅବସ୍ଥାପିତ କରାଯାଇଛି । ବାତ୍ୟା ପ୍ରଭାବିତଙ୍କୁ ରିଲିଫ ବଣ୍ଟନରେ ଅବହେଳା ଓ ବ୍ୟାପକ ଅନିୟମିତତା ସାଙ୍ଗକୁ ରାଜନୈତିକ ଆଧାରରେ ରିଲିଫ ବଣ୍ଟା ହେଉଥିବା ଅଭିଯୋଗ ହୋଇଥିଲା । ଏପରିକି ବିଡିଓ କ୍ଷେତ୍ର ପରିଦର୍ଶନ ନକରି ଏବଂ ବିପନ୍ନଙ୍କ ସ୍ଥିତି ନପରଖି ସରପଞ୍ଚଙ୍କ କଥାରେ ରିଲିଫ ବାଣ୍ଟୁଥିବା ନେଇ ଗୁରୁତର ଅଭିଯୋଗ ଆସିବା ପରେ ରାଜ୍ୟସରକାର ତ୍ୱରିତ କାର୍ଯ୍ୟାନୁଷ୍ଠାନ ଗ୍ରହଣ କରି ବିଡିଓଙ୍କୁ ଅନ୍ୟତ୍ର ବଦଳି କରିଥିବା ଜଣାପଡିଛି ।
