ନେହେରୁ ଯୁବକେନ୍ଦ୍ର ପକ୍ଷରୁ ଯୋଗ ଦିବସ ପାଳିତ

ବନ୍ତ, (ଚାନ୍ଦିନୀ ମହାନ୍ତି) :-ବନ୍ତ ବ୍ଲକ ସେଣ୍ଢତୀରା ପଞ୍ଚାୟତ କୁମ୍ଭାରିଆ ଠାରେ ନେହେରୁ ଯୁବକେନ୍ଦ୍ର ସଙ୍ଗଠନ ଆନୁକୂଲ୍ୟ ତଥା ୟୁନାଇଟେଡ ଆର୍ମି କ୍ଲବ ସହଯୋଗରେ ଆନ୍ତର୍ଜାତିୟ ଯୋଗ ଦିବସ ପାଳିତ ହୋଇଯାଇଛି । ଶିବିରରେ ମୁଖ୍ୟ ଅତିଥି ଭାବେ ଗାନ୍ଧୀ ବାଳାଶ୍ରମର ସହପ୍ରତିଷ୍ଠାତା ଜୟରାମ ସାହାଜୀ ଯୋଗ ଦେଇ ଦିବସ ପାଳନ ସଂପର୍କରେ ଆଲୋକପାତ କରିଥିଲେ । ସଙ୍ଗଠନର ଜାତୀୟ ସ୍ୱେଚ୍ଛାସେବୀ ବିକାଶ ମଲ୍ଲିକ ଯୋଗର ତାପର୍ଯ୍ୟ ସଂପର୍କରେ ଆଲୋଚନା କରିଥିଲେ । ଏଥିରେ ପ୍ରତାପ କୁମାର ମାଝୀ, ଶୈଳବାଳା ଦୀକ୍ଷିତ୍ ପ୍ରଶିକ୍ଷକ ଭାବେ ଯୋଗ ଦେଇଥିଲେ । ଏଥିରେ ୪ ଶହରୁ ଉର୍ଦ୍ଧ୍ୱ ବ୍ୟକ୍ତି ଯୋଗ ଦେଇଥିଲେ । ୟୁନାଇଟେଡ ଆର୍ମି କ୍ଲବର ସଭାପତି ଆକାଶ ମଲ୍ଲିକ, ଦେବାନନ୍ଦ ନାୟକ, ରଜତ ପାତ୍ର, ଶିବ ଶଙ୍କର ପରିଡା, ଦୀଲିପ କୁମାର ସାହା ସହଯୋଗ କରିଥିଲେ ।