ନେହେରୁ ଯୁବକେନ୍ଦ୍ର ସଙ୍ଗଠନ ପକ୍ଷରୁ ଯୋଗ ପ୍ରଶିକ୍ଷଣ ଶିବିର
ବନ୍ତ,(ଚାନ୍ଦିନୀ ମହାନ୍ତି) : ବନ୍ତ ବ୍ଲକ ମିଶନ ଶକ୍ତି ସଭାଗୃହରେ ଭଦ୍ରକ ଜିଲ୍ଲା ନେହେରୁ ଯୁବ କେନ୍ଦ୍ର ସଙ୍ଗଠନ ପକ୍ଷରୁ ଫିଟ୍ ଇଣ୍ଡିଆ “ଯୋଗ ପ୍ରଶିକ୍ଷଣ କାର୍ଯ୍ୟକ୍ରମ” ଅନୁଷ୍ଠିତ ହୋଇଯାଇଛି । ଡେଷ୍ଟିଚ୍ୟୁଟ୍ ୱେମେନ୍ସ ୱେଲଫେୟାର ସେଣ୍ଟରର ସମ୍ପାଦକ ଗୟାଧର ଜେନାଙ୍କ ତତ୍ତ୍ୱାବଧାନରେ ଏହି ଶିବିର ପରିଚାଳନା ହୋଇଥିଲା । ଯୋଗଗୁରୁ ସୁକାନ୍ତ ଜେନା ଯୋଗ ଶିକ୍ଷା ପ୍ରଦାନ କରିଥିଲେ । ଏହି ଶିିିିିିିବିରରେ ସମ୍ବିତ୍ ପଣ୍ଡା, କୈଳାସ ବାରିକ ଅତିଥି ଭାବେ ଯୋଗ ଦେଇଥିଲେ । ବସନ୍ତିଆ ପଞ୍ଚାୟତରୁ ଲଛମନ ଜେନା, ରାମଚନ୍ଦ୍ରପୁର ପଞ୍ଚାୟତରୁ ବନମାଳୀ ବାରିକ, ବନ୍ତ ପଞ୍ଚାୟତରୁ ମହିଳା ମହାସଂଘର ଏମ୍.ବି.କେ କଳ୍ପନା ପଣ୍ଡା ଉପସ୍ଥିତ ଥିଲେ । ଏଥିରେ ବିଭିନ୍ନ ପଞ୍ଚାୟତରୁ ପ୍ରାୟ ୨୦ରୁ ଉର୍ଦ୍ଧ୍ୱ ମହିଳା ଓ ପୁରୁଷ ଯୋଗ ଶିକ୍ଷା ଗ୍ରହଣ କରିଥିଲେ ।
