ନୋଏଡ଼ାରେ ସଡ଼କ ଦୁର୍ଘଟଣା, ୬ ମୃତ୍ୟୁ

ନୋଏଡ଼ା- ରବିବାର ବିଳମ୍ବିତ ରାତିରେ ଗ୍ରେଟର ନୋଏଡ଼ାରେ ବଡ଼ ଧରଣର ସଡ଼କ ଦୁର୍ଘଟଣା ଘଟିଛି । ଏକ କାର୍ କେନାଲରେ ଖସିପଡ଼ିବାରୁ ୨ ଶିଶୁ ସମେତ ୬ ଜଣଙ୍କ ମୃତ୍ୟୁ ଘଟିଛି। ଏହା ବ୍ୟତୀତ ଅନ୍ୟ ୫ ଜଣ ଗୁରୁତର ଆହତ ହୋଇଛନ୍ତି। ସୂଚନା ଅନୁସାରେ, ଦନକୌର ଥାନା ଅଧୀନ ଖେରଲୀ ଗାଁ ନିକଟରେ ଏହି ଦୁର୍ଘଟଣା ଘଟିଛି । କାରଟି ସମ୍ଭଲରୁ ଦିଲ୍ଲୀ ଯାଉଥିଲା । ଦୁର୍ଘଟଣା ପରେ ସ୍ଥାନୀୟ ଲୋକଙ୍କ ସହାୟତାରେ ସମସ୍ତ ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।