ନୟାପଲ୍ଲୀ ଭୋଇସାହି ୫ମ କ୍ରିକେଟ ପ୍ରିମିୟର ଲିଗ୍-୨୦୨୫ ଉଦ୍ଯାପିତ
ଭୁବନେଶ୍ୱର, (ଯୁଗାବ୍ଦ ନ୍ୟୁଜ):ଜାନୁଆରୀ ୧୭ ତାରିଖରୁ ଆରମ୍ଭ ହୋଇଥିବା ନୟାପଲ୍ଲୀ ଭୋଇସାହି ୫ମ କ୍ରିକେଟ ପ୍ରିମିୟର ଲିଗ୍-୨୦୨୫ ଜାନୁଆରୀ ୧୯ ତାରିଖରେ ଉଦ୍ଯାପିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ବିଜେପି ରାଜ୍ୟ କୃଷକ ମୋର୍ଚ୍ଚା ସଂଯୋଜକ ଶ୍ରୀଯୁକ୍ତ ଗୌତମ ବେହେରା, ବିଜେପି ଭୁବନେଶ୍ୱର ଜିଲ୍ଲା ସମ୍ପାଦକ ବିବେକାନନ୍ଦ ବାରିକ ଓ କୃଷ୍ଣଚନ୍ଦ୍ର ବେହେରା ଯୋଗଦେଇ ଟୁର୍ଣ୍ଣାମେଣ୍ଟର ବିଜେତା ନୋ କମ୍ପରମାଇଜ୍ ଟିମ୍କୁ ଟ୍ରଫି ସହ ନଗଦ ୨୨ ହଜାର ଟଙ୍କା ଓ ରନର୍ସଅପ୍ ଟିମ୍କୁ ୧୨ ହଜାର ଟଙ୍କା ପ୍ରଦାନ କରିଥିଲେ । ଏଥି ସହିତ ଟୁର୍ଣ୍ଣାମେଣ୍ଟରେ ମ୍ୟାନ୍ ଅଫ୍ ଦି ମ୍ୟାଚ୍ ଗୁଡୁ, ମ୍ୟାନ ଅଫ୍ ଦି ସିରିଜ ରୋହନ ସାହୁ, ବେଷ୍ଟ ବ୍ୟାଟ୍ସମ୍ୟାନ ଇଶାନ ମହାନ୍ତି, ବେଷ୍ଟ ବୋଲର ଗୁଲୁ ଓ ବେଷ୍ଟ ଫିଲ୍ଡ଼ର ମାନସ ରଞ୍ଜନ ଦାଶଙ୍କୁ ବିବେଚିତ କରାଯାଇ ଟ୍ରଫି ପ୍ରଦାନ କରାଯାଇଥିଲା । ଏହି ଟୁର୍ଣ୍ଣାମେଣ୍ଟଟିକୁ ୩ ଦିନ ଧରି କାହ୍ନା, ଶୁସିଲ, ଗୌତମ, ସିଲୁ, ଗୁମନ, ମନୁ, ବୁନୁ, ରୋହନ ଓ ଅନ୍ୟମାନେ ସୁଚାରୁ ରୂପେ ପରିଚାଳନା କରିଥିଲେ ।
