ନୟାହାଟ ଠାରେ ସାର୍ବଜନୀନ ଦୁର୍ଗା ପୂଜା ଆରମ୍ଭ

ନିମାପଡ଼ା,(ସନ୍ତୋଷ ଦାଶ):ପୁରୀ ଜିଲ୍ଲା ଗୋପ ବ୍ଲକ ନୟାହାଟ ସ୍ଥିତ ଦୁର୍ଗା ମଣ୍ଡପ ଠାରେ ଆଜି ପବିତ୍ର ସପ୍ତମୀ ତିଥି ଅବସର ରେ ମା ଙ୍କ ଚକ୍ଷୁ ଦାନ କରାଯାଇ ଭକ୍ତି ଓ ନିଷ୍ଠାର ସହିତ ସାର୍ବଜନୀନ ଦୁର୍ଗାପୂଜା ଆରମ୍ଭ ହୋଇଛି। ଗତକାଲି ବିଲ୍ୱବରଣ ନୀତି ଅନୁଷ୍ଠିତ ହୋଇଥିଲା।ଏଠାରେ ଦୀର୍ଘ ୪୨ ବର୍ଷ ଧରି ନୟାହାଟ ବ୍ୟବସାୟୀ ସଂଘ, ପାନ ଚାଷୀ ଓ ବ୍ୟବସାୟୀ ସଂଘ ପକ୍ଷରୁ ମିଳିତ ଭାବେ ଦୁର୍ଗା ପୂଜା ଶାନ୍ତି ଶୃଙ୍ଖଳା ର ସହିତ ହୋଇ ଆସୁଛି ବୋଲି କହିଛନ୍ତି ପୂଜା କମିଟି ର ସୁରେନ୍ଦ୍ର ମୋହନ ବିଟି। ଏହି ପୂଜା ପାନ ଚାଷୀ ଭଗବାନ ଦୁବେ କର୍ତ୍ତା ହୋଇଥିବାବେଳେ ପୋଡପୋଡା ର ବଙ୍ଗୀୟ ପୂଜକ ଉମାକାନ୍ତ ମୁଖାର୍ଜୀ ମା ଙ୍କ ସମସ୍ତ ପୂଜା ନୀତି ଅନୁଷ୍ଠିତ କରୁଛନ୍ତି। ପଣ୍ଡିତ କାହ୍ନୁ ଚରଣ ମିଶ୍ର, ଜ୍ୟୋତି ପ୍ରକାଶ ମିଶ୍ର, ଭଗବାନ ପାଢ଼ୀ ପୂଜା କାର୍ଯ୍ୟ, ହୋମ ପ୍ରଭୃତି ରେ ସାହାଯ୍ୟ ସହଯୋଗ କରୁଛନ୍ତି । ମହାନବମୀ ଠାରୁ ମଣ୍ଡପ ସମ୍ମୁଖ ରେ ବିଭିନ୍ନ ପ୍ରକାର ର ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବାକୁ ସ୍ଥିର ହୋଇଛି ବୋଲି କମିଟି ପକ୍ଷରୁ ସୂଚନା ଦିଆଯାଇଛି। ପୂଜା ମଣ୍ଡପ ସମ୍ମୁଖ ରେ ସୁନ୍ଦର ତୋରଣ କରାଯାଇଥିବା ବେଳେ ମଣ୍ଡପ କୁ ରଙ୍ଗୀନ ଆଲୋକ ମାଳା ରେ ସଜ୍ଜିତ କରାଯାଇଛି।