ପଛରୁ ପିଟିଲା ବାଇକ୍, ଜଣେ ମୃତ
ବନ୍ତ, (ଯୁଗାଦ୍ଧ ନ୍ୟୁଜ୍) : ବନ୍ତ ବ୍ଲକ କେନ୍ଦୁଆପଦା ଫାଣ୍ଡି ଅଧିନ ବନ୍ତ-ବାରିକପୁର ରାସ୍ତାର କେନ୍ଦୁଆପଦା ପଞ୍ଚାୟତ କାର୍ଯ୍ୟାଳୟ ଓ ବନ୍ଧନ ବ୍ୟାଙ୍କ ମଧ୍ୟ ଭାଗରେ ଆଗରେ ଯାଉଥିବା ଏକ ବାଇକକୁ ପଛ ପାଖରୁ ଆସୁଥିବା ଅନ୍ୟ ଏକ ବାଇକ୍ ଧକ୍କା ଦେବା ଫଳରେ ଆଗରେ ଯାଉଥିବା ବାଇକ ଚାଳକ ମୃତ୍ୟୁ ବରଣ କରିଥିବା ଜଣାଯାଇଛି । ଦଣ୍ଡୋ ଗ୍ରାମର ଜଗବନ୍ଧୁ ସେଠୀଙ୍କ ପୁଅ ମଦନ(୪୦) ଏକ ବାଇକ ଯୋଗେ କେନ୍ଦୁଆପଦା ବଜାରରୁ ବାରିକପୁର ଅଭିମୁଖେ ଯାଉଥିବା ବେଳେ ପଛ ପାଖରୁ ଆସୁଥିବା ଅନ୍ୟ ଏକ ବାଇକ ତାଙ୍କୁ ଧକ୍କା ଦେଇଥିଲା । ଫଳରେ ଆଗରେ ଯାଉଥିବା ବାଇକ ଚାଳକ ମଦନ ରାସ୍ତା ଉପରେ ପଡି ଯିବା ସହ ତାଙ୍କର ମୁଣ୍ଡ ପଛ ପାଖରେ ଆଘାତ ଲାଗିଥିଲା । ସ୍ଥାନୀୟ ଲୋକ ମାନେ ଆମ୍ବୁଲାନ୍ସକୁ ଖବର ଦେବା ପରେ ତାଙ୍କୁ ତୁରନ୍ତ ଭଦ୍ରକ ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଧକ୍କା ଲଗାଇଥିବା ବାଇକର ମାଲିକ ପଛତୀରା ଗ୍ରାମର କେଶବ ସ୍ୱାଇଁ ବୋଲି ପୋଲିସ କହିଛି । ଏନେଇ ଭଦ୍ରକ ଗ୍ରାମାଞ୍ଚଳ ଥାନାରେ କେସ ନଂ-୧୮୭/୨୦ ମୂଳେ ମାମଲା ରୁଜ୍ଜୁ ହୋଇଛି । ମୃତ ଦେହକୁ ବ୍ୟବଚ୍ଛେଦ ପାଇଁ ଡାକ୍ତରଖାନା ପଠାଯାଇଛି ।
