ପରିବହନ ଟ୍ରକ ଗୁଡିକରୁ ଟଙ୍କା ଲୁଟ୍ ଅଭିଯୋଗରେ ୨ ଗିରଫ
ଯୋଡା,(ସମୀର କୁମାର ଦାସ): ବାମେବାରୀ ଥାନା ଅନ୍ତର୍ଗତ ହେଁସାବେଡା ଠାରେ ପରିବହନ ଟ୍ରକ ଗୁଡିକରୁ ଟଙ୍କା ଲୁଟ୍ କରିଥିବା ଅଭିଯୋଗରେ ପୋଲିସ ୨ ଜଣ ଅଭିଯୁକ୍ତକୁ ଗିରଫ କରିିଛି । ବାମେବାରୀ ଥାନା ଆଇଆଇସି ରାଜେନ୍ଦ୍ର କୁମାର ସ୍ୱାଇଁଙ୍କ ଠାରୁ ମିଳିଥିବା ସୂଚନା ଅନୁଯାୟୀ ସୋମବାର ଅପରାହ୍ନ ପ୍ରାୟ ୧ଟା ବେଳେ ସ୍ଥାନୀୟ ଖଣିରୁ ଖଣିଜ ବୋଝେଇ କରି ଯାଉଥିବା କିଛି ଟ୍ରକ୍ର ଡ୍ରାଇଭର ଓ ହେଲପରଙ୍କୁ ଧମକ ଦେଇ କିଛି ଯୁବକ ଟଙ୍କା ଲୁଟ୍ କରୁଥିଲେ । ଏ ନେଇ ସ୍ଥାନୀୟ ଖଣିର ଅଧିକାରୀ ମନୋଜ କୁମାର ରଥ ବାମେବାରୀ ଥାନାରେ ଅଭିଯୋଗ କରିବା ପରେ ପୋଲିସ୍ ଏଥିରେ ସମ୍ପୃକ୍ତ ନଇବୁଗା ଗ୍ରାମର ଭଜମନ ପାତ୍ର ଓ ମନୋଜ ପାତ୍ରଙ୍କୁ ଗିରଫ କରି ସେମାନଙ୍କ ଠାରୁ ୨୫ ଶହ ଟଙ୍କା ଜବତ କରିଥିଲା । ବାମେବାରୀ ଥାନା କେଶ ନଂ-୨୬/୨୦୨୧, ଦଫା-୩୯୨ ରୁଜୁ କରି ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ଆଇଆଇସି ସ୍ୱାଇଁ ସୂଚନା ଦେଇଛନ୍ତି ।
