‘ପଲ୍ଲଭା’ର ପ୍ରସ୍ତୁତି ବୈଠକ ଅନୁଷ୍ଠିତ

ବାଲେଶ୍ୱର,(ଯୁଗାବ୍ଦ ନ୍ୟୁଜ୍): ବାଲେଶ୍ୱର ସହରର ଏ.ଡି.ଏମ୍. ଛକ ପାଖ ବି.ସି. ସେନ୍ ରୋଡ଼୍ ଅନ୍ତର୍ଗତ ଗୁରୁକୃପା ଭୋଜନାଳୟ ପରିସରରେ ପ୍ରଦିପ କୁମାର ସଙ୍କ ଆବାହକତ୍ୱରେ ‘ପଲ୍ଲଭା’ର ପ୍ରସ୍ତୁତି ବୈଠକ ବାଲେଶ୍ୱରର ପୂର୍ବତନ ଚେୟାରମ୍ୟାନ୍ ତପନ ଚକ୍ରବର୍ତ୍ତୀଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ସହରର ଅନ୍ୟ ସମସ୍ତ ବରିଷ୍ଠ ମାନ୍ୟଗଣ୍ୟ ବ୍ୟକ୍ତିମାନଙ୍କ ମଧ୍ୟରେ ରଘୁନାଥ ପାତ୍ର, ରବିନାରାୟଣ ମହାପାତ୍ର, ପ୍ରଫୁଲ୍ଲ କୁମାର ପଣ୍ଡା, ସ୍ୱର୍ଣ୍ଣପ୍ରଭା ମହାନ୍ତି, ବାସୁକୀ ଦୁଲାଲ ଦାସ, ନବକୃଷ୍ଣ ପ୍ରଧାନ, ଯତୀନ କୁମାର ପାତ୍ର, ଜୟନ୍ତ ଦାସ, ପୁରୁଷୋତ୍ତମ ବେହେରା ପ୍ରମୁଖ ଉପସ୍ଥିତ ରହି ନିଜନିଜର ସୁଚିନ୍ତିତ ମତାମତ ରଖିଥିଲେ । ଆସନ୍ତା ବୈଠକରେ ‘ପଲ୍ଲଭା’ର କାର୍ଯ୍ୟଧାରା ନିର୍ଦ୍ଧାରଣ ପାଇଁ ସମସ୍ତେ ସହମତି ପ୍ରକାଶ କରିଥିଲେ । ବୈଠକ ଶେଷରେ ବାସୁକୀ ଦୁଲାଲ ଦାସ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।