ପଶ୍ଚିମବଙ୍ଗ ହିଂସା : ୩୬ ହତ୍ୟା ମାମଲାର ତଦନ୍ତ କରୁଛି ସିବିଆଇ
କଲିକତା, (ୱାଇଏନ୍ଏସ୍): ପଶ୍ଚିମବଙ୍ଗରେ ନିର୍ବାଚନ ପରବର୍ତୀ ହିଂସା ସମ୍ପର୍କରେ ହାଇକୋର୍ଟଙ୍କ ନିର୍ଦ୍ଦେଶ ପରେ ଅନୁସନ୍ଧାନ କରୁଥୁବା କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) ସାରା ରାଜ୍ୟରେ ୩୬ଟି ମାମଲା ଉପରେ ଅଧ୍ୟୟନ କରୁଛି ଯେଉଁଠାରେ ବିଜେପି କର୍ମୀଙ୍କୁ ହତ୍ୟା କରାଯାଇଥିଲା କିନ୍ତୁ ପୋଲିସ ଏହି ମାମଲା ପଂଜୀକୃତ କରିନାହିଁ । ପୀଡ଼ିତାମାନେ ସିବିଆଇ ନିକଟରେ ସିଧାସଳଖ ଅଭିଯୋଗ କରିଛନ୍ତି ଏହା ପରେ ଅନୁସନ୍ଧାନକାରୀ ସଂସ୍ଥାର ଅଧିକାରୀମାନେ ଏହା ଜାଣିଛନ୍ତି ।
ନିର୍ବାଚନ ହିଂସା ଘଟଣାର ଅନୁସନ୍ଧାନ ପାଇଁ ଜିଲ୍ଲା ଗସ୍ତରେ ଆସୁଥିବା ସିବିଆଇ ଅଧିକାରୀଙ୍କ ଦଳ କ୍ରମାଗତ ଭାବରେ ଅଭିଯୋଗ ଗ୍ରହଣ କରୁଛନ୍ତି ଯେଉଁଠାରେ ନିର୍ବାଚନ ଫଳାଫଳ ପରେ ବିଜେପି କର୍ମୀଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଥିଲା କିନ୍ତୁ ପୋଳିସ ଅଭିୋଗ ମଧ୍ୟ ପଂଜୀକୃତ କରିନାହିଁ ।
ଗତ ସପ୍ତାହରେ ଏଜେନସି ରାଜ୍ୟ ପୋଲିସ ମୁଖ୍ୟଙ୍କୁ ଚିଠି ଳେଖି ନିର୍ବାଚନ ପରବର୍ତୀ ହିଂସା ସହ ଜଡ଼ିତ ସମସ୍ତ ମାମଲାର ବିବରଣୀ ମାଗିଥିଲେ । ସିବିଆଇ ଟିମ୍ ଦ୍ୱାରା ଅଧ୍ୟୟନ କରାଯାଉଥିବା ୩୬ଟି ମାମଲା ଅଗଷ୍ଟ ୧୯ ତାରିଖ ଦିନ କଲିକତା ହାଇକୋର୍ଟଙ୍କ ନିର୍ଦ୍ଦେଶରେ ଉଳ୍ଲେଖ କରାଯାଇଥିବା ହତ୍ୟା ମାମଲା ବ୍ୟତୀତ । ସିବିଆଇ କ୍ରମାଗତ ଭାବରେ ଏଫଆଇଆର ପଂଜୀକରଣ କରୁଛି । ହତ୍ୟା, ହତ୍ୟା ଉଦ୍ୟମ, ବଳାତ୍କାର, ଅସ୍ତ୍ରଶସ୍ତ୍ର ଆଇନ, ଅପରାଧ ଏବଂ ଅପହରଣ ସହ ଜଡ଼ିତ ଆଇପିସିର ବିଭାଗ ଅଧିନରେ ଏଫଆଇଆର ପଂଜୀକୃତ ହୋଇଛି ।
