ପାଟପୁର ବିଦ୍ୟୁତ ବିଭାଗ ପକ୍ଷରୁ ବିଶ୍ଵକର୍ମା ପୂଜା ଅନୁଷ୍ଠିତ
ସାନଖେମୁଣ୍ଡି, (ପଦ୍ମଲୋଚନ ପାଣିଗ୍ରାହୀ):ପାଟପୁର ସ୍ଥିତ ଟିପିଏସଓଡିଏଲ୍ ସେକ୍ସନ କାର୍ଯ୍ୟାଳୟରେ କର୍ମଚାରୀଙ୍କ ଦ୍ଵାରା ବିଶ୍ଵକର୍ମାଙ୍କ ପୂଜା ପାଳନ ଉତ୍ସବ ମହା ଆଡ଼ମ୍ବର ସହକାରେ ପାଳିତ ହୋଇଯାଇଛି। ପାଟପୁର ଗନ୍ଧିଛକ ନିକଟ ବୀଣାପାଣି ନର୍ସରୀ ସ୍କୁଲ ପରିସରରେ ଥିବା ବିଦ୍ୟୁତ୍ ବିତରକ କାର୍ଯ୍ୟାଳୟ ଠାରେ ଆୟୋଜିତ ହେଉଥିବା ଏହି ପୂଜା ଉତ୍ସବରେ ବିଭାଗୀୟ ଯନ୍ତ୍ରୀ ସତିଶ କୁମାର ରାଉତ ମୂଖ୍ୟ କର୍ତ୍ତା ଭାବେ କାର୍ଯ୍ୟ ସମ୍ପାଦନ କରୁଥିବା ବେଳେ କର୍ମଚାରୀ ସମୂହ କାର୍ଯ୍ୟକ୍ରମ ପରିଚାଳନା କରୁଛନ୍ତି । ପୁରୋହିତ ପଣ୍ଡିତ ଦିଗାମ୍ବର ତ୍ରିପାଠୀ , ସୁରେଶ ତ୍ରିପାଠୀଙ୍କ ଦ୍ଵାରା ଅଙ୍କୁରାପୋନ , ଗଙ୍ଗା ଆବାହନ ,ମଣ୍ଡଳ ସ୍ଥାପନ ସହ ବୈଦିକ ରୀତିରେ ଶ୍ରୀ ବିଶ୍ଵକର୍ମାଙ୍କ ପୂଜା ଉତ୍ସବ ସମ୍ପନ୍ନ ହୋଇଛି । କର୍ମଚାରୀଙ୍କ ପକ୍ଷରୁ ଅମିତାଭ ନାୟକ , ଲାଇନମେନ୍ ରାକେଶ କୁମାର ସ୍ବାଇଁ , ସଞ୍ଜୟ ତ୍ରିପାଠି , ଲକି ଜେନା , ଅମିତ୍ ପଟ୍ଟନାୟକ , ବୁଚି ଦୋରା , ରାଜୀବ ଆଚାର୍ଯ୍ୟ , ରାଜେନ୍ଦ୍ର ଚୌଧୁରୀ , ପ୍ରଫୁଲ୍ଲ ମହାରଣା ପ୍ରମୁଖ କାର୍ଯ୍ୟକ୍ରମ ପରିଚାଳନା କରୁଛନ୍ତି ।
