ପାଣିରେ ବୁଡି ଚାଲିଗଲା ୨ ଛାତ୍ରଙ୍କ ଜୀବନ
ବାଲେଶ୍ୱର , ବାଲେଶ୍ୱର ଜିଲ୍ଲା ଖଇର ବ୍ଲକର ହରିପୁର ରେଟିନା ନୋଡାଲ ୟୁପି ସ୍କୁଲର ଦୁଇ ଛାତ୍ର କେନାଲରେ ବୁଡି ପ୍ରାଣ ହରାଇଛନ୍ତି । ମୃତକ ଜଣକ ପରିଚୟ ସପ୍ତମ ଶ୍ରେଣୀ ଛାତ୍ର ଧନଞ୍ଜୟ ଜେନା , ଓ ଷଷ୍ଠ ଶ୍ରେଣୀର ଛାତ୍ର ରାଜେଶ ସାହୁ ବୋଲି ଜଣାପଡିଛି । ମିଳିଥିବା ଖବର ଅନୁଯାୟୀ ସ୍କୁଲରେ ମଧ୍ୟାହ୍ନ ଭୋଜନ ଖାଇସାରିବା ପରେ କେନାଲ ନିକଟକୁ ହାତ ଧୋଇବାକୁ ଯାଇଥିଲେ କିନ୍ତୁ ଅସାବଧାନତା କାରଣରୁ ଗୋଡ ପାଣିରେ ଖସି ଯିବାରୁ ସେମାନେ କିଛି ଦୂର ଭାସିଗଲାବେଳେ ଦେଖି ଦୁଇ ଛାତ୍ରଙ୍କୁ ଉଦ୍ଧାର କରିଥିଲେ । ଗୁରୁତର ଅବସ୍ଥାରେ ଦୁଇ ଜଣଙ୍କୁ ଉଦ୍ଧାର କରାଯାଇ ତାଙ୍କୁ ଭଦ୍ରକ ମେଡିକାଲରେ ଭର୍ତ୍ତିକରାଯାଇଥିଲା । ସେଠାରେ ଡାକ୍ତର ଦୁଇ ଛାତ୍ରଙ୍କୁ ମୃତ ଘୋଷଣା କରିଥିଲେ । ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
