ପାବନଶ୍ରୀକ୍ଷେତ୍ରରେ ଶ୍ରୀ ଜୀଉମାନଙ୍କ ମହାସ୍ନାନ , ଗଜାନନ ବେଶ ଗଜାନନ ବେଶ

ହିଞ୍ଜିଳିକାଟୁ , (ଶେଷଦେବ ସାହୁ): ହିଞ୍ଜିଳିକାଟୁ ପୌର ବଇଁଚବଣିଆ ସ୍ଥିତ ପାବନଶ୍ରୀକ୍ଷେତ୍ର ଶ୍ରୀ ଜଗନ୍ନାଥ ମନ୍ଦିରରେ ଶ୍ରୀ ଜୀଉମାନଙ୍କ ମହାସ୍ନାନ ଉତ୍ସବ ଆନନ୍ଦ ଉତ୍ସାହର ସହ ଅନୁଷ୍ଠିତ ହୋଇଯାଇଛି । ଭୋର ୪ ଟା ୩୦ ମିନଟରେ ଶ୍ରୀଜୀଉମାନଙ୍କ ମଙ୍ଗଳ ଆରତି କରାଯାଇ ବଲ୍ଲଭଭୋଗ, ଅବକାଶ ଓ ଅନ୍ୟାନ ନିତ୍ୟ ସେବା ଆରମ୍ଭ କରାଯାଇଥିଲା । ଦିନ୧୦ ଟାରେ ଶ୍ରୀଜୀଉମାନେ ରତ୍ନ ସିଂହାସନରୁ ସ୍ନାନମଣ୍ଡପ ପହଣ୍ଡି ପାଇଁ ଓହ୍ଲାଇଥିଲେ । ମନ୍ଦିରର ସେବାଧିପତି ଲିଙ୍ଗରାଜ ସାହୁ ମଙ୍ଗଳାର୍ପଣ କରିଥିଲେ । ମନ୍ଦିରର ପାଟ ପୁରୋହିତ ପଣ୍ଡିତ ଗତିକୃଷ୍ଣ ମିଶ୍ର ଶର୍ମା ଓ ସହାୟକ ପଣ୍ଡିତ ରଂଜିତ ଦାଶ ଶର୍ମା ବୈଦିକ ରୀତିରେ ଶ୍ରଜୀଉମାନଙ୍କ ସମସ୍ତ ପୂଜାନୀତି କରାଇଥିଲେ । ସାଢେ ୧୦ ଟାରେ ଧାଡ଼ି ପହଣ୍ଡିରେ ବିଭିନ୍ନ ବାଦ୍ୟ ବାଜଣା, ଶଙ୍ଖଧ୍ୱନି, ହୁଳହୁଳି, ଛତ୍ରଚାମର ଆଲଟ ସହ ଶ୍ରୀ ସୁଦର୍ଶନ, ଶ୍ରୀ ବଳଭଦ୍ର, ଦେବୀ ସୁଭଦ୍ରା, ଶ୍ରୀ ଜଗନ୍ନାଥଙ୍କୁ ପହଣ୍ଡି କରାଯାଇ ସ୍ନାନ ମଣ୍ଡପରେ ବିଜେ କରାଯାଇଥିଲା । ଏଠାରେ ସମୁଦ୍ର ଓ ବିଭିନ୍ନ ପବିତ୍ର ନଦୀଜଳ ସମିଶ୍ରଣରେ ଶ୍ରୀମନ୍ଦିରସ୍ଥ ସୁନାକୂଅରୁ ସଂଗୃହୀତ ୧୦୮ କୁମ୍ଭ ଜଳରେ ବିଭିନ୍ନ ପ୍ରକାର ସୁବାଷିତ ଦ୍ରବ୍ୟ ଓ ମୋହଷଧି ମିଶ୍ରଣ ପୂର୍ବକ ସ୍ନାନ ଜଳରେ ପ୍ରଥମେ ଶ୍ରୀ ବଳଭଦ୍ରଙ୍କୁ ୩୩, ଶ୍ରୀ ଜଗନ୍ନାଥଙ୍କୁ ୩୫, ଶ୍ରୀ ସୁଭଦ୍ରାଙ୍କୁ ୨୨ ଓ ଶ୍ରୀ ସୁଦର୍ଶନଙ୍କୁ ଯଥାକ୍ରମେ ୧୮ କୁମ୍ଭ ଜଳରେ ମହାସ୍ନାନ କରାଯାଇଥିଲା । ପରେ ପରେ ଶ୍ରୀ ଜୀଉଙ୍କୁ ମୁଖ୍ୟ ପୂଜକ ପଣ୍ଡିତ କୃଷ୍ଣଚନ୍ଦ୍ର ପଣ୍ଡା ଓ ସହାୟକ ସରୋଜ ନନ୍ଦ, ଉମାଶଙ୍କର ପଣ୍ଡା ଓ ଅନ୍ୟାନ ସେବାୟତ ମାନଙ୍କ ସହାୟତାରେ ଠାକୁର ମାନଙ୍କୁ ସୁନ୍ଦର ଗଜାନନ ବେଶରେ ସୁ-ସଜ୍ଜିତ କରାଯାଇଥିଲା । ବିହିତ ପୂଜାର୍ଚ୍ଚନା ଓ କର୍ପୁର ଆଳତି ପରେ ସମବେତ ଅଗଣିତ ଭକ୍ତ ମାନେ ଶ୍ରୀଜୀଉ ମାନଙ୍କୁ ଅନ୍ନ ବ୍ୟଂଜନ ସମର୍ପଣ ଧୂପ ଉଠିଥିଲା । ସାନ୍ଧ୍ୟ ଆଳତି ଦର୍ଶନ ପାଇଁ ପ୍ରବଳ ଭିଡ଼ ଅନୁଭୂତ ହୋଇଥିଲା ।ସ୍ନାନ ପୂର୍ଣ୍ଣିମା ଯୋଗୁଁ ଶ୍ରୀ ମନ୍ଦିରରେ ଗହଳଚହଳ ପ୍ରତ୍ୟୁଷରୁ ରାତି ପର୍ଯ୍ୟନ୍ତ ଲାଗି ରହିଥିଲା । ରାତି ୯ ଟାରେ ଶ୍ରୀ ବିଗ୍ରହମାନଙ୍କୁ ବିଧିି ଅନୁଯାୟୀ ଗୁପ୍ତ ଅଣସର ଗର୍ଭଗୃହକୁ ପହଣ୍ଡି କରାଯାଇଥିଲା । ଶ୍ରୀ ବିଗ୍ରହ ମାନେ ଅଣବସରରେ ଗୁପ୍ତ ସେବାରେ ରହିବେ ଓ ଦର୍ଶନ ଦେବେ ନାହିଁ । ତେଣୁ ମନ୍ଦିରରେ ଆସନ୍ତା କାଲି ଠାରୁ ପଣିଦିଅଁ ଓ ଅଲାରନାଥଙ୍କ ପୂଜାର୍ଚ୍ଚନା କରାଯିବ । ଏହି ଉତ୍ସବକୁ ପ୍ରଶାସନ ସେବକ ନିର୍ମଳ ମିଶ୍ର, ସେବାଧିପତି ଲିଙ୍ଗରାଜ ସାହୁ, କାର୍ଯ୍ୟକାରୀଣି ସଭାପତି ସେବକ ଜଗନ୍ନାଥ ସାହୁ, ସମ୍ପାଦକ ସେବକ ଲୋକନାଥ ସାହୁ, ହରିହର ପଣ୍ଡା, ମନମୋହନ ପାଢି, ପ୍ୟାରୀମୋହନ ପାଢି, ଯୁଗଳ ପଣ୍ଡା, ମନୋଜ ପାଢି, ଜଗନ୍ନାଥ ସାହୁ, ଉମାଚରଣ ପଣ୍ଡା, ସରୋଜ ନନ୍ଦ, ଶିଶିର ପଣ୍ଡା, ଦେବ ପ୍ରସାଦ ପଣ୍ଡା, ବିଶୁ ସାହୁ, ଅଶୋକ ସାମନ୍ତରା, ସୁଦର୍ଶନ ପାଣିଗ୍ରାହୀ, ଉପେନ୍ଦ୍ର ପାତ୍ର, ସୁବାଷ ସାହୁ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।