ପାରଳାର ଗର୍ବ ଗୌରବ ପଦ୍ମଶ୍ରୀ ଡ.ସତ୍ୟନାରାୟଣ ରାଜଗୁରୁଙ୍କ ଜୟନ୍ତୀ ପାଇଁ ପ୍ରସ୍ତୁତି ବୈଠକ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ପାରଳାଖେମୁଣ୍ଡି ଅଞ୍ଚଳ ସମେତ ସମଗ୍ର ଓଡିଶା ପାଇଁ ଗର୍ବ ଓ ଗୌରବର ପ୍ରମୁଖ ବ୍ୟକ୍ତିତ୍ବ ପଦ୍ମଶ୍ରୀ ଡ.ସତ୍ୟନାରାୟଣ ରାଜଗୁରୁଙ୍କ ଜୟନ୍ତୀ ପାଇଁ ପ୍ରସ୍ତୁତି ବୈଠକ ହୋଇଯାଇଛି. ସ୍ଥାନୀୟ ଚିତ୍ରକାର ସାହି ରାଜଗୁରୁ ମଠ ପ୍ରାଙ୍ଗଣରେ ଉପାନ୍ତପ୍ରହରୀ ପୂର୍ଣ୍ଣଚନ୍ଦ୍ର ମହାପାତ୍ର ଅଧ୍ଯକ୍ଷତାରେ ପଦ୍ମଶ୍ରୀ ଡ. ସତ୍ୟନାରାୟ ରାଜଗୁରୁଙ୍କ ୧୨୨ତମ ଜୟନ୍ତୀ ପାଳନ ପାଳନ ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି. ଅଗଷ୍ଟ ୧୯ ତାରିଖ ଦିନ ହେବାକୁ ଥିବା ଜୟନ୍ତୀ ଉତ୍ସବରେ ଓଡ଼ିଶାର ଲବ୍ଧ ପ୍ରତିଷ୍ଠିତ ସାତ ସାରସ୍ବତ ସାଧକଙ୍କୁ ସମ୍ବଦ୍ଧନା ସହ ପ୍ରାଥମିକ ସ୍ତରରୁ ମହାବିଦ୍ୟାଳୟ ସ୍ତରୀୟ ଶ୍ରେଣୀର ତିନି ବର୍ଗର ଛାତ୍ରଛାତ୍ରୀଙ୍କ ମଧ୍ୟରେ ବକ୍ତୃତା ପ୍ରତି ପ୍ରତିଯୋଗିତା ଅନୁଷ୍ଠିତ ହେବ ।ଏହା ସହିତ ରାଜଗୁରୁଙ୍କ ସମ୍ପର୍କରେ ଏକ ଆଲୋଚନାଚକ୍ର ନିମନ୍ତ୍ରିତ ବୁଦ୍ଧିଜୀବୀଙ୍କୁ ନେଇ ଅନୁଷ୍ଠିତ ହେବ । ବୈଠକରେ ବିନୋଦ ଚନ୍ଦ୍ର ଜେନା, ଭାଗବତ ପାଢ଼ୀ, ବିଚିତ୍ରାନନ୍ଦ ବେ ବବର୍ଷା, ଆଶାଲତା ପାଣିଗ୍ରାହୀ, ଅଶ୍ବିନୀ ପାଢ଼ୀ ଜଗଦୀଶ ମହାପାତ୍ର, ଶଶିଭୂଷଣ ପଟ୍ଟନାୟକ ଭାରତୀୟ ସେନାର ଅବସରପ୍ରାପ୍ତ କ୍ୟାନ ମଲିକାର୍ଜୁନ ପଟ୍ଟନାୟକ, ତ୍ରିପତି ପ୍ରସାଦ ପଣ୍ଡା, ଆର୍ତ୍ତତ୍ରାଣ ଚଇନି, ଅରକ୍ଷିତ ଜେନା ଓ ରବୀନ୍ଦ୍ର ପଣ୍ଡା ଯୋଗଦାନ କରି ନିଜନିଜର ମତ ପ୍ରକାଶ କରିଥିଲେ ।
