ପାରଳା କୃଷି କାର୍ଯ୍ୟାଳୟରୁ ଚୋରି
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ପାରଳା କୃଷି ବିଭାଗ କାର୍ଯ୍ୟାଳୟରେ କିଛି ସାମଗ୍ରୀ ଚୋରି ହୋଇଛି। ଏ ନେଇ ପାରଳା ଥାନାରେ କେସ ନଂ. ୮୦|୨୦୨୪ରେ ଏକ ମାମଲା ରୁଜୁ ହୋଇଥିବା ବେଳେ ଘଟଣାସ୍ଥଳରେ ପୁଲିସ ତନାଘନା କରିବା ସହ ଜଣେ ସନ୍ଦିଗ୍ଧଙ୍କୁ ଅଟକ ରଖି ପଚରାଉଚୁରା କରୁଛି। କାର୍ଯ୍ୟାଳୟରେ କେହି ନଥିବାର ଫାଇଦା ଉଠାଇ କୌଣସି ଦୁର୍ବୁତ୍ତ କାର୍ଯ୍ୟାଳୟ ପରିସରରୁ ଏକ କମ୍ପ୍ୟୁଟର ମନିଟର ଚୋରି କରିଥିଲା। କାର୍ଯ୍ୟାଳୟ ପରିସରରେ ଥିବା ଏକ ଏଲିଡି ଟିଭି ଗ୍ଲାସକୁ ଭାଙ୍ଗି ଦେବା ସହ କିଛି ସାମଗ୍ରୀ ଏ ସେପଟ ଫୋପାଡ଼ି ଦିଆଯାଇଛି. ଘଟଣା ନେଇ ତଦନ୍ତ ଜାରି ରହିଥିବା ପାରଳା ଥାନାଧିକାରୀ ପ୍ରଶାନ୍ତ ଭୂପତି ସୂଚନା ଦେଇଛନ୍ତି ।


