ପାରଳା ଗାନ୍ଧୀ ଛକର ଏକମାତ୍ର ଗଜଲକ୍ଷ୍ମୀ ପୂଜା ଯାକଜକମରେ ଆରମ୍ଭ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲା ମହକୁମା ପାରଳାଖେମୁଣ୍ଡି ସହରର ଏକମାତ୍ର ଗାନ୍ଧୀ ଛକ ଭଣ୍ଡାରୀ ସାହି ଛକରେ ୪୦ ତମ ଗଜଲକ୍ଷ୍ମୀ ପୂଜା ମହା ସମାରୋହରେ ଆରମ୍ଭ ହୋଇଯାଇଛି. ଗତକାଲି ସନ୍ଧ୍ୟାରେ ହୋମ ଯଜ୍ଞ, ପୂଜା ପାଠ ଆଦି ପରେ ମା ଗଜଲକ୍ଷ୍ମୀଙ୍କ ସାଧାରଣଙ୍କ ପାଇଁ ଦର୍ଶନ ଆରମ୍ଭ ହୋଇଥିଲା. ଏହି ପୂଜା କମିଟି ତରଫରୁ ସିମାଞ୍ଚଳମ ପତିତ, ପ୍ରସାଦ ଗୌଡ଼, ବାବୁଲା ବେହେରା, ରଘୁ ପାଣିଗ୍ରାହୀ, ମିଟୁ ବେହେରା ପ୍ରମୁଖ କହିଛନ୍ତି ଚଳିତ ବର୍ଷ ୪୦ ତମ ପୂଜାକୁ ଲକ୍ଷ୍ୟ ରଖି ଅତ୍ୟନ୍ତ ଯାକଯାକମରେ ମା ଗଜଲକ୍ଷ୍ମୀଙ୍କ ପୂଜା ଆରମ୍ଭ କରାଯାଇଛି. ପ୍ରତେକ ଦିନ ସନ୍ଧ୍ୟାରେ ମହିଳାମାନଙ୍କ ଦ୍ୱାରା ଶହ ଶହ ଦ୍ବୀପ ପ୍ରଜ୍ବଳନ କରାଯାଉଛି. ରାତ୍ର ସମୟରେ ଭକ୍ତି ସଙ୍ଗୀତ କାର୍ୟ୍ୟକ୍ରମ ଓ ବିଭିନ୍ନ ସାଂସ୍କୃତିକ କାର୍ୟ୍ୟକ୍ରମ ଆୟୋଜନ କରାଯାଉଛି. ଆସନ୍ତା ଗୁରୁବାର ଦିନ ପୂଜା ମଣ୍ଡପ ଠାରେ ଭକ୍ତଙ୍କ ପାଇଁ ଅନ୍ନ ପ୍ରସାଦର ଆୟୋଜନ କରାଯାଇଛି.
