ପୁରାତନ ଛାତ୍ରଛାତ୍ରୀଙ୍କ ବନ୍ଧୁମିଳନ

ଗଞ୍ଜାମ, (ବିନୋଦ ପଲାଇ):ଗଂଜାମ ବ୍ଲକ୍ ସ୍ଥିତ ସରସ୍ୱତୀ ଶିଶୁ ବିଦ୍ୟା ମନ୍ଦିର ୨୦୦୫ ମସିହା ପ୍ରାରମ୍ଭ ବ୍ୟାଚ୍ ର ପୂରାତନ ଛାତ୍ରଛାତ୍ରୀଙ୍କ ଏକ ବନ୍ଧୁ ମିଳନ କାର୍ଯ୍ୟକ୍ରମ ସ୍ଥାନୀୟ କପିଳେଶ୍ୱର କଲ୍ୟାଣ ମଣ୍ଡପ ପରିସରରେ ଆୟୋଜିତ ହୋଇଥିଲା। ଏଥିରେ ୨୫ ରୁ ଉର୍ଦ୍ଧ୍ବ ଛାତ୍ରଛାତ୍ରୀ ଯୋଗଦେଇ ଅତୀତର ସ୍ମୃତି ଚାରଣ କରିଥିଲେ। ଏହି ଅବସରରେ ଛାତ୍ରଛାତ୍ରୀମାନେ ପୂର୍ବତନ ପ୍ରଧାନ ଆଚାର୍ଯ୍ୟ ଯୋଗେଶ ଚନ୍ଦ୍ର ପ୍ରଧାନ, ଗୌରାଙ୍ଗ ପଣ୍ଡା, ବିଜୟାଲକ୍ଷ୍ମୀ ପଲାଇ, ଜନାର୍ଦ୍ଧନ ସିଂ, ସନ୍ତୋଷ ସାହୁ, ସିଦ୍ଧାର୍ଥ କୁମାର ନାୟକ, ବୀପ୍ର ପରିଡ଼ା, ୠଷି ସାହୁ, ରଶ୍ମିତା ସାହୁ ସମେତ ସମସ୍ତ ଗୁରୁଜୀ ଗୁରୁମ୍ମାଙ୍କୁ ଉପଢୌକନ ଓ ପୁଷ୍ପଗୁଚ୍ଛ ପ୍ରଦାନ ପୂର୍ବକ ସମ୍ବର୍ଦ୍ଧିତ କରିଥିଲେ। ପୁରାତନ ଛାତ୍ରଛାତ୍ରୀମାନେ ପ୍ରାରମ୍ଭିକ ସଙ୍ଗୀତ ଓ ନୃତ୍ୟ ପରିବେଷଣ କରିଥିଲେ। ଛାତ୍ରଛାତ୍ରୀ ମାନଙ୍କ ମଧ୍ୟରେ ରାମଚନ୍ଦ୍ର ଆଚାରୀ, ନାରାୟଣ ଆଚାରୀ, ଲଲାଟେନ୍ଦୁ ପରିଡ଼ା, ସୁଶାନ୍ତ ମହାରଣା, ଜିତେନ୍ଦ୍ର ସାହୁ, ନିତୁ ପରିଡ଼ା, ରେଶ୍ମା ସାହୁ , ସମୀର କୁମାର ସାହୁ ଆଦି ଉପସ୍ଥିତ ଥିଲେ। ଶେଷରେ ଲଲାଟେନ୍ଦୁ ପରିଡ଼ା ସମସ୍ତଙ୍କୁ ଧନ୍ୟବାଦ୍ ଅର୍ପଣ କରିଥିଲେ ।