ପୁରୁଷୋତ୍ତମପୁର ପଂଚାୟତରେ କରୋନା ସଚେତନତା ଓ ମାସ୍କ ବଂଟନ

କେନ୍ଦ୍ରାପଡା (ଚିତ୍ତରଞ୍ଜନ ଦାସ) : ପୁରୁଷୋତ୍ତମପୁର ପଂଚାୟତରେ ବିଧାୟକ ଶଶୀଭୂଷଣ ବେହେରାଙ୍କ ପରାମର୍ଶ କ୍ରମେ ପଂଚାୟତ ବିଜେଡି ସଭାପତି ସୁଧିର କୁମାର ବେହେରା ପଂଚାୟତର ବରହମପୁର, ସନ୍ୟାସପୁର, କହ୍ନେଇପୁର ଓ ମାନପାଟଣା ଗ୍ରାମରେ ମହାମାରୀ କରୋନା ସମ୍ପର୍କରେ ଲୋକମାନଙ୍କୁ ସଚେତନ କରିବା ସହ ମାସ୍କ ବଂଟନ କରିଛନ୍ତି । ଏହି କାର୍ଯ୍ୟକ୍ରମରେ ବେହେରାଙ୍କୁ ପ୍ରଫୁଲ୍ଲ କୁମାର ଭୋଳ,ଅଜୟ କୁମାର ମହାନ୍ତି, ଭାସ୍କର ପରିଡା, ଗୁରୁଚରଣ ରାଉତ ଓ ପ୍ରଶାନ୍ତ କୁମାର ସ୍ୱାଇଁ ପ୍ରମୁଖ ସହଯୋଗ କରିଥିଲେ ।