ପୁୁରୀବାସୀଙ୍କ ମୁଖରେ ସ୍ମିତହାସ୍ୟ

ଯୁଗାବ୍ଦ ନ୍ୟୁଜ , (ମନୋଜ କୁମାର ସାହୁ ): ସାମୁଦ୍ରିକ ଝଡ ଫୋନୀ ର ପ୍ରଭାବରେ ରାଜଧାନୀ ଭୂବନେଶ୍ୱର ,ପୁରୀ ,ଜଗତସିଂହପୁର ,ଜିଲ୍ଲା ଅତ୍ୟଧିକ କ୍ଷତିଗ୍ରସ୍ତ ହୋଇ ଲୋକମାନଙ୍କର ମେରୁଦଣ୍ଡକୁ ଦୋହଲାଇଦେଇଥିବା ବେଳେ ଆଜି ପୁରୀ ବାସୀଙ୍କ ମୁଖରେ ସ୍ମିତହାସ୍ୟ ଦେଖିବାକୁ ମିଳିଛି । ଫୋନି ତାଣ୍ଡବ ରଚିବାର ଠିକ୍ ୧୨ ଦିନ ପରେ କୁଶଳି ଶ୍ରମିକ ମାନଙ୍କ ଅକ୍ଲାନ୍ତ ପରିଶ୍ରମ ପରେ ବଡଦାଣ୍ଡକୁ ଦିଆଯାଇଛି ବିଦ୍ୟୁତ ସଂଯୋଗ । ଫୋନୀ ପ୍ରଭାବରେ ପୁରୀ ଜିଲ୍ଲା ଶ୍ରୀହିନ ହୋଇ ଝାଟି ମାଟି ଘର , ଗଛ ସବୁ ଯେମିତି ମାଟିରେ ଚୁରମାର ହୋଇଯାଇଛି । ଲୋକମାନେ ଏଠି ମୁନ୍ଦାଏ ପାଣି ପାଇଁ ଲୋକ ଦହକ ବିକଳ ହେଉଥିବା ବେଳେ ବିଦ୍ୟୁତ ସଂଯୋଗ ବିଚ୍ଛିନ୍ନ ଲୋକମାନଙ୍କୁ କଲବଲ କରୁଥିଲା । ଫୋନି ତାର ତାଣ୍ଡବ ନୃତ୍ୟ କରି ଚାଲିଗଲା ସତ କିନ୍ତୁ ଲୋକମାନଙ୍କୁ ବି କଲବଲ କରି ଚାଲିଗଲା । । ଫୋନି ପ୍ରଭାବର ୧୨ ଦିନ ପରେ ବିଦ୍ୟୁତ ସଂଯୋଗ ହେବାରୁ ଲୋକମାନଙ୍କ ମଧ୍ୟରେ କିଛିଟା ଉସ୍ରାହ ଦେଖାଯାଇଛି ।