ପୂର୍ଣ୍ଣଚନ୍ଦ୍ର ବୁଗୁଡ଼େଇଙ୍କ ୭୫ମେ ପ୍ଲାଟିନମ୍ ଜୟନ୍ତୀ ପାଳନ
ବଡସାହି, (ନିରଞ୍ଜନ ମହାନ୍ତ): ପୂର୍ଣ୍ଣମାସୀ ସେବା ସଂସ୍ଥାନ ଆନୁକୂଲ୍ୟରେ ମା’ତାରିଣୀ ମଣ୍ଡପ ଠାରେ ବଡସାହି ମାଟିରୁ ବଡପୁଅ ପୂର୍ଣଚନ୍ଦ୍ର ବୁଗୁଡେଇଙ୍କ ୭୫ତମ ପ୍ଲାଟିନମ୍ ଜୟନ୍ତୀ ଉତ୍ସବ ଆଡ୍ଭୋକେଟ ରାଜକିଶୋର ଆଚାର୍ଯ୍ୟଙ୍କ ସଭାପତିତ୍ୱରେ ପାଳିତ ହୋଇଯାଇଛି। ମୁଖ୍ୟଅତିଥି ଭାବେ ପୂର୍ବତନ ରାଜ୍ୟସଭା ସାଂସଦ ବୀରଭଦ୍ର ସିଂ ପୂର୍ଣ୍ଣବାବୁ ପରିପୂର୍ଣ୍ଣ ବ୍ୟକ୍ତିତ୍ୱରେ ସହସ୍ରାଧିକଙ୍କୁ ରାସ୍ତାରୁ ଆଣି ରାଜରାସ୍ତା ଦେଖାଇ ମହିମ୍ନ ଅନୁଦାତା ଭାବେ ରାଜ୍ୟରେ ନିଆରା ପ୍ରତିଭା ବୋଲି ବକ୍ତବ୍ୟ ରଖୁଥିଲେ । ମୁଖ୍ୟବକ୍ତା ଭାବେ ଡ଼କ୍ଟର ଜଗତ୍ତ୍ବନ୍ଧୁ ଆଚାର୍ଯ୍ୟ ସମଗ୍ର ଉତ୍ତର ଓଡିଶାରେ ଯାନ୍ତ୍ରିକ ଶିକ୍ଷାର ନାଁ ଗନ୍ଧ ନଥିବା ବେଳେ ସେ ପ୍ରଚଳନର ଭଗୀରଥ, ଜିଲ୍ଲାରେ ଶିକ୍ଷକ ଶିକ୍ଷାବିକାଶର ବିନ୍ଧାଣୀ, ଜିଲ୍ଲାର ଆବାଳ ବୃଦ୍ଧ ବନିତାଙ୍କର ସାମଗ୍ରିକ ସ୍ବାର୍ଥ ପାଇଁ ଏକମାତ୍ର ନାଗରିକ ସଂଘ ଗଢ଼ି ନିର୍ଣ୍ଣାୟକ ଏବଂ ସମଗ୍ର ରାଜ୍ୟରେ ଧର୍ମ ଏବଂ ମାନବ ଧର୍ମର ଫରକ୍ ଶିଖାଇ ମାନବ ଧର୍ମର ପ୍ରତିଷ୍ଠାତା ପୂର୍ଣ୍ଣବାବୁ ତାଙ୍କ ଉପରୋକ୍ତ ଚାରିଗୋଟି ସୋପାନରେ ପ୍ରଥମ ସ୍ଥାନ ଅଧୁକାର କରି ଜନୈକ ସ୍ଵର୍ଣ୍ଣ ଚତୁର୍ଭୁଜ ବକ୍ତବ୍ୟ ରଖିଥିଲେ । ଉତ୍ସବରେ ନାଟ୍ୟକାର ମନୋରଞ୍ଜନ ବେହେରା, ଅବସରପ୍ରାପ୍ତ ସଂଘର ସଭାପତି ରଣଜିତ୍ କୁମାର ଦାସ, ଅବସର ପ୍ରାପ୍ତ ଆଦର୍ଶ ଶିକ୍ଷକ, ସଚ୍ଚିଦାନନ୍ଦ ମହାନ୍ତି, ବାଣୀପୀଠ ଅଧକ୍ଷ ଡ଼କ୍ଟର କୁମାର ବାବୁଲି ବକ୍ତବ୍ୟ ରଖୁଥିଲେ । ସୁଶ୍ରୀ ସୁବାସିନୀ ପତି, ରାଜେନ୍ଦ୍ର ନାଥ ଜେନା, ସଚ୍ଚିନ୍ଦ୍ର ନାଥ ବିଶ୍ଵାଳ, ଅରୁଣ ଓତା ଓ ହରିଶୂନ୍ଦ୍ର ଗୋସ୍ୱାମୀଙ୍କ ବହୁବିଧ ପ୍ରଶ୍ନୋତ୍ତରୀରେ ସବୁଠୁ ଶ୍ରେୟ ଦେଇ ଶ୍ରୀ ବୁଗୁଡେଇ ଯେଉଁ ପୁଅ ପିତାଙ୍କ କଥାକୁ ପିତା ନମାନି ତାକୁ ଈଶ୍ୱରଙ୍କ ନିର୍ଦ୍ଦେଶ ମାନେ ଏବଂ ମା’କୁ ମୁଣ୍ଡରେ ବସାଇ ନିର୍ମାତ୍ରୀର ସମ୍ମାନ ଦେଇ ତାଙ୍କୁ ଈଶ୍ୱରୀ ମାନେ ସେ ପୁଅ ଶୂନ୍ୟବିତ୍ତ ବଲ୍ଲକରୁ ବାଲ୍ମିକୀ ଏବଂ ଦିବ୍ୟ ପୁରୁଷାକାର ଭାବେ ଅନ୍ୟକୁ ଠକି ନିଜେ ଠକି ନଥାଏ । ଉତ୍ସବରେ ପାଲା ଗାୟକ ମନୋରଞ୍ଜନ ଗିରି ପାଲା ପରିବେଷଣ ପରେ ତାଙ୍କୁ ସଂସ୍ଥାନ ତରଫରୁ ପୂର୍ଣ୍ଣମାସୀ ପାଲା ଗାୟକ ଭୂଷଣ ସମ୍ମାନରେ ଭୂଷିତ କରାଯାଇଥିଲା । ଉତ୍ସବରେ ଶ୍ରୀ ବୁଗୁଡେଇ ପଢ଼ିଥିବା ବଡସାହି ଗ୍ରାମର ପ୍ରାଥମିକ, ଉଚ୍ଚମାଧ୍ଯମିକ ଏବଂ ଉଚ୍ଚ ଇଂରାଜୀ ବିଦ୍ୟାଳୟର ପ୍ରଥମ ମେଧାବୀ ବିଦ୍ୟାର୍ଥୀଙ୍କୁ ପ୍ରୋତ୍ସାହନ ରାଶି ଦିଆଯାଇଥିଲା । ସଭା ପ୍ରାରମ୍ଭରେ ସ୍ଥାନୀୟ ବୁଗୁଡେଇ ବିହାର ଠାରେ ତାଙ୍କ ପିତାମାତାଙ୍କ ପ୍ରତିମୂର୍ତ୍ତିକୁ ସେ ପୂଜାର୍ଚ୍ଚନା କରି ଭାବାବେଗ ସୃଷ୍ଟି କରିଥିଲେ। ସଭା ଶେଷରେ ମହେଶ୍ୱର ସେନାପତି ଧନ୍ୟବାଦ ଦେଇଥିଲେ।
