ପୂର୍ବତନ ୱାର୍ଡମେମ୍ବର ତଥା ସମାଜସେବୀଙ୍କ ବିୟୋଗ କେନ୍ଦୁଝର
କେନ୍ଦୁଝର, (ଯୁଗାବ୍ଦ ନ୍ୟୁଜ):ସଦରବ୍ଲକ ଅନ୍ତର୍ଗତ ଗୋବର୍ଦ୍ଧନ ଗ୍ରାମପଞ୍ଚାୟତ ସେଣ୍ଡକାପ ଗ୍ରାମର ପୂର୍ବତନ ୱାର୍ଡମେମ୍ବର ତଥା ଯୁବ ସମାଜସେବୀ କ୍ଷୀରୋଦ ( ଗମ୍ଭା) (୩୨)ନାଏକଙ୍କ ରବିବାର ଭୋର ସମୟରେ ଅକାଳରେ ବିୟୋଗ ଘଟିଛି । ଦେହ ଅସୁସ୍ଥ ହେବାରୁ ସେ କିଛି ଦିନ ପୂର୍ବରୁ କେନ୍ଦୁଝର ବଡ ମେଡିକାଲରେ ଚିକିତ୍ସା ନିମନ୍ତେ ଭର୍ତ୍ତି ହୋଇଥିଲେ। କିନ୍ତୁ ମେଡିକାଲରେ ୨ ଦିନ ରହିବା ପରେ ରୋଗର ଲକ୍ଷଣ କିଛି ଜଣା ନ ପଡ଼ିବାରୁ ଘରକୁ ଆସିଥିଲେ । ହଠାତ ଦୁର୍ବଳ ଅନୁଭୂତ ହେବା ସହିତ ତାଙ୍କର ପ୍ରାଣ ବାୟୁ ଉଡ଼ି ଯାଇଥିଲା । ସେ ଗୋବର୍ଦ୍ଧନ ଗ୍ରାମପଞ୍ଚାୟତ ତଥା ଆଖପାଖ ଗ୍ରାମରେ ଜଣେ ଜଣାଶୁଣା ପରୋପକାରୀ ସମାଜସେବୀ ଭାବରେ ପରିଗଣିତ ହୋଇଥାନ୍ତି । ସେ ଗରୀବ ଦୁଃଖୀ ରଙ୍କି ସରକାରଙ୍କ ଯୋଜନା କିପରି ଲାଭ ଉଠାଇ ପାରିବେ ସେ ଦିଗରେ ପଞ୍ଚାୟତଠାରୁ ବ୍ଲକ ଓ ଜିଲ୍ଲା ପ୍ରଶାସନଙ୍କ ପାଖକୁ ଯାଇ ଯୋଜନା ଲାଭ ଉଠାଇବା ପାଇଁ ବାଟ ବାହାର କରିଥାନ୍ତି । ତାଙ୍କର ସ୍ତ୍ରୀ ଓ ଏକ ମାତ୍ର ଛୋଟ ଝିଅ ଅଛନ୍ତି । ସେ ଜଣେ ଗରୀବ ଶ୍ରେଣୀର ଲୋକ ହୋଇଥିବାରୁ ତାଙ୍କ ପରିବାରକୁ ସରକାରୀ ସହାୟତା ପ୍ରଦାନ କରିବା ନିମନ୍ତେ ଗ୍ରାମବାସୀ ତଥା ପଞ୍ଚାୟତବାସୀ ବିଭାଗୀୟ ଅଧିକାରୀଙ୍କୁ ନିବେଦନ କରିଛନ୍ତି ।
