ପୋଖରୀରେ ବୁଡି ନାବାଳକ ମୃତ
ସାନଖେମୁଣ୍ଡି, (ପଦ୍ମଲୋଚନ ପାଣିଗ୍ରାହୀ ) : ପାଟପୁର ଥାନା ଅନ୍ତର୍ଗତ ପୋଡାମାରୀ ଗ୍ରାମରେ ପୋଖରୀରେ ବୁଡ଼ି ଗୁରୁବାର ଜଣେ ନାବାଳକଙ୍କ ମୃତ ଘଟିଥିବା ଜଣାପଡିଛି । ମୃତ ନାବାଳକ ଜଣକ ହେଲେ ସାନଖେମୁଣ୍ଡି ବ୍ଲକ ପଦ୍ମପୁର ପଞ୍ଚାୟତ ର ଆକାଶ ପ୍ରଧାନ (୧୦)ଆକାଶ ନିଜ ଗ୍ରାମରୁ ଗତ କିଛିଦିନ ତଳେ ନିକଟସ୍ଥ ଗ୍ରାମ ପୋଡାମାରୀ ଅଜା ଘରକୁ ଆସିଥିବାବେଳେ ଆଜି ସକାଳ ୯ ଘଣ୍ଟା ସମୟରେ ପୋଖରୀକୁ ଗାଧୋଇବା ପାଇଁ ଯାଇଥିଲେ । ଗାଧୋଇବା ସମୟରେ ଅସାବଧାନତା କାରଣରୁ ସେ ପାଣିରେ ବୁଡି ଯାଇଥିବା ଜଣାପଡ଼ିଛି । ଏହାପରେ କିଛି ଲୋକ ଅଚେତ ଅବସ୍ଥାରେ ଆକାଶକୁ ଉଦ୍ଧାର କରି ପରିବାର ଲୋକଙ୍କ ସହାୟତାରେ ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସା ନିମନ୍ତେ ଭର୍ତ୍ତି କରାଇଥିଲେ। ଉପସ୍ଥିତ ଡାକ୍ତର ମୃତ ଘୋଷଣା କରିଥିଲେ । ଖବର ପାଇ ପାଟପୁର ପୋଲିସ ସ୍ବାସ୍ଥ୍ୟକେନ୍ଦ୍ରରେ ପହଞ୍ଚି ମୃତଦେହକୁ ଜବତ କରି ଅପମୃତ୍ୟୁ ମାମଲା ନଂ ୧୭/୨୧ ରୁଜୁ କରି ଶବ ବ୍ୟବଛେଦ ପାଇଁ ବ୍ରହ୍ମପୁର ପଠାଇଥିବା ଜଣାପଡିଛି ।
