ପୋଖରୀରେ ବୁଡି ୪ ବର୍ଷର ଶିଶୁ ମୃତ

ରାଇରଙ୍ଗପୁର, (ଅକ୍ଷୟ କୁମାର ବିଶ୍ୱାଳ):ମୟୂରଭଞ୍ଜ ଜିଲ୍ଲାର ତିରିଂ ଥାନା ଅନ୍ତର୍ଗତ କାଶିଆଵେଡା ଗ୍ରାମର ଶମ୍ଭୁ କାଲୁଣ୍ଡିଆର ୪ ବର୍ଷର ପୁଅ ଭଗବାନ କାଲୁଣ୍ଡିଆ ସୋମବାର ଦିନ ଗାଁ ପାଖ ବନ୍ଧରେ ବୁଡି ମୃତ୍ୟୁ ହୋଇଥିବା ଅଭିଯୋଗ ହୋଇଛି । ସୂଚନାଯୋଗ୍ୟ ଭଗବାନ ସେଦିନ ଅଙ୍ଗନବାଡ଼ି ସ୍କୁଲରୁ ଖାଇ ପିଇ ଘରକୁ ଫେରିଥିବା ।ପରେ ସାଙ୍ଗ ସାରଥୀଙ୍କ ସହ ଖେଳୁ ବନ୍ଧ ଆଡେ ଯାଇ ବନ୍ଧରେ ବୁଡି ଯାଇଥିଲା ।ପରେ ଘର ଲୋକେ ଖୋଜି ଖୋଜି ବନ୍ଧରୁ ପାଇଥିଲେ ।ତାକୁ ରାଇରଙ୍ଗପୁର ହସ୍ପିଟାଲ ନେଇଥିଲେ ଡାକ୍ତର ମୃତ ଘୋଷଣା କରିଥିଲେ । ମଙ୍ଗଳବାର ଦିନ ତିରିଂ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ କରାଇ ପରିବାରବର୍ଗଙ୍କୁ ହସ୍ତାନ୍ତର କରିଛି ।