ପୋଡାଅସ୍ତିଆ ଗ୍ରାମରେ ବର୍ଷ ବର୍ଷ ଧରି ପିଇବା ପାଣି ସମସ୍ୟା କୁ ନେଇ ଗ୍ରାମବାସୀଙ୍କ ରାସ୍ତାରୋକ

ରାଇରଙ୍ଗପୁର, (ଅକ୍ଷୟ କୁମାର ବିଶ୍ୱାଳ):ମୟୁରଭଞ୍ଜ ଜିଲ୍ଲା ବିଶ୍ବର ସବୁଠାରୁ ଉତ୍ତପ୍ତ ସହର ପାଲଟିଛି ।ତତଲା କଡେଇରେ ଛଟପଟ ହେଲାଭଳି ଜୀବଜନ୍ତୁ,ମଣିଷ ସମସ୍ତେ ସିଝୁଛନ୍ତି ।ପାଣି ପାଇଁ ଡହଳ ବିକଳ ।ନଦୀ,ନାଳ ଗାଡାଆ,ପୋଖରୀ ,ବନ୍ଧ ସବୁ ଶୁଖି ଆଁ କଲାଣି ।ଏଭଳି ଏକ ସମୟରେ ବାରିପଦା ଉପଖଣ୍ଡ ପୋଡ଼ା ଅସ୍ତିଆ ଗ୍ରାମରେ ଜଳ ସଂକଟ ଦିର୍ଘ ୧୦ ବର୍ଷରୁ ଉର୍ଦ୍ଧ୍ବ ଲାଗି ରହିଛି । ଜନପ୍ରତିନିଧି,ଜଳ ପରିମଳ ବିଭାଗକୁ ବାରମ୍ବାର ଜଣାଇଲେ ମଧ୍ୟ କିଛି ଫଳ ମିଳୁନାହିଁ ।ପାଇପ ବିଛା ହୋଇଛି ପାଣି ଆସୁନାହିଁ । ଏକମାତ୍ର ଗୋଟିଏ ନଳକୂପ ଗ୍ରାମବାସୀଙ୍କୁ ସାହା ଭରଷା । ଯାହାକୁ ନେଇ ଅସନ୍ତୋଷ ପ୍ରକାଶ କରି ଗ୍ରାମବାସୀ ଆଜି ରାସ୍ତାରୋକ କରିଥିଲେ । ରାସ୍ତାରୋକ ଖବର ଜାଣି ନିଦ ଭାଙ୍ଗିଲା ଆରଡଵ୍ଲ୍ଯଏସଏସର । ଶେଷରେ ଆରଡବ୍ଳ୍ଯଏସ ଅଧିକାରୀ ସୁରହରି କିସ୍ କୁ ଘଟଣାସ୍ଥଳରେ ପହଞ୍ଚି ଗ୍ରାମବାସୀଙ୍କୁ ବୁଝାସୁଝା କଲାପରେ ଗ୍ରାମବାସୀ ରାସ୍ତାରୁ ହଟିଲେ