ପୋଲିସର ମୋଷ୍ଟ ୱାଣ୍ଟେଡ ପାଣ୍ଡା ଗିରଫ

ଦିଗପହଣ୍ଡି,(ଅଳକ ନାଥ ମିଶ୍ର):ଦିଗପହଣ୍ଡି ପୋଲିସର ମୋଷ୍ଟ ୱାଣ୍ଟେଡ ପେସାଦାର ଅପରାଧି ପାଣ୍ଡା ଗୌଡ଼ ଙ୍କୁ ଶୁକ୍ରବାର ପୋଲିସ ଗିରଫ କରିବାରେ ସକ୍ଷମ ହୋଇଛି। ଗତ ୬ ତାରିଖ ରେ ମହୁଡା ଚାଞ୍ଚଡାପଲ୍ଲି ଗ୍ରାମର ଲେବର କଣ୍ଟ୍ରାକ୍ଟର ବିନୋଦ କୁମାର ଜେନା ଙ୍କୁ ୧୫ ହଜାର ଟଙ୍କା ଦାଦା ବଟି ମାଗିବା ସହ ଫୋନ ରେ ହତ୍ୟା ଧମକ ଦେବା ଘଟଣାରେ ସମ୍ପୃକ୍ତ ପାଣ୍ଡା ଙ୍କୁ ବ୍ରହ୍ମପୁର ଏସଡିଜେଏମ  କୋର୍ଟ କୁ ଚାଲାଣ କରାଯାଇଛି।।ତାଙ୍କ ନାଁ ରେ ଦିଗପହଣ୍ଡି ,ବ୍ରହ୍ମପୁର ସଦର ଥାନା, ଗୋଳନ୍ଥରା ଥାନା ରେ ବହୁସଂଖ୍ୟକ ସଙ୍ଗୀନ ମାମଲା ରହିଥିବା ଥାନା ଏସ.ଆଇ ଜ୍ୟୋତି ରଞ୍ଜନ ବେହେରା କହିଛନ୍ତି।ଗତ ୬ ତାରିଖରେ ଅଭିଯୁକ୍ତ ପାଣ୍ଡା ଏବଂ ତାଙ୍କ କିଛି ସହଯୋଗୀ ବିନୋଦ ଙ୍କୁ ଦାଦାବଟି ମାଗିଥିଲେ।ସେ ମନା କରିବାରୁ ତାଙ୍କୁ ହତ୍ୟାଧମକ ଦେଇଥିବା ନେଇ ସେ ଦିଗପହଣ୍ଡି ଥାନାରେ ଏତଲା ଦେଇଥିଲେ।ଏତଲାକୁ ଭିତ୍ତି କରି ଥାନା ଆଇଆଇସି ପ୍ରଶାନ୍ତ କୁମାର ପାତ୍ର ଅଭିଯୁକ୍ତ ମାନଙ୍କ ନାଁ ରେ ମକଦ୍ଦମା ରୁଜୁକରିଥିଲେ। ଅନ୍ୟ ଅଭିଯୁକ୍ତ ମାନେ ଦିଗପହଣ୍ଡି ଥାନା ଅଞ୍ଚଳରେ ଘଟୁଥିବା ବୋମାମାଡ଼ ମାମଲାରେ ଦିଗପହଣ୍ଡି ସବ ଜେଲରେ ବିଚରାଧିନ ବନ୍ଦୀ ଭାବେ ରହିଥିବା ପୋଲିସ କହିଛି।