ପ୍ରତାପ ଚନ୍ଦ୍ର ନାୟକ ବିଜେପି କୃଷକ ମୋର୍ଚ୍ଚା ରାଜ୍ୟ ସଂଯୋଜକ

ବୁଗୁଡା (ଅନିଲ ମହାରଣା): ପୋଲସରା ନିର୍ବାଚନ ମଣ୍ଡଳୀର ବିଜେପି ନେତା ବୁଗୁଡା ବ୍ଲକ ବାସିନ୍ଦା ପ୍ରତାପ ଚନ୍ଦ୍ର ନାୟକ ରାଜ୍ୟ ବିଜେପି କୃଷକ ମୋର୍ଚ୍ଚା ସଂଯୋଜକ ଭାବେ ବିଜେପି ରାଜ୍ୟ ସଭାପତି ସମୀର ମହାନ୍ତିଙ୍କ ଅନୁମୋଦନ କ୍ରମେ ମନୋନୀତ ହୋଇଥିବା ଯୋଗୁଁ ପୋଲସରା ନିର୍ବାଚନ ମଣ୍ଡଳୀର ବିଜେପି କର୍ମକର୍ତ୍ତା ଓ କର୍ମୀ ବୃନ୍ଦ ଶ୍ରୀ ନାୟକଙ୍କୁ ଅଭିନନ୍ଦନ ଜଣାଇବା ସହ ରାଜ୍ୟ ସଭାପତି ଶ୍ରୀଯୁକ୍ତ ମହାନ୍ତିଙ୍କୁ କୃତଜ୍ଞତା ଜଣାଇଛନ୍ତି। ବିଗତ ପାଞ୍ଚାୟତ ନିର୍ବାଚନ ସମୟରେ ଶ୍ରୀ ନାୟକ ଜିଲ୍ଲା ସମ୍ପାଦକ ଥିବା ସମୟରେ ତୃଣମୂଳ ସ୍ତରରେ ସଂଗଠନ କରି ବୁଗୁଡା ବ୍ଲକରେ କେତେକ ପାଞ୍ଚାୟତ ଦଖଲ କରିପାରି ବୁଗୁଡା ବ୍ଳକରେ ବିଜେପିର ଭିତ୍ତିଭୂମି ସୁଦୃଢ କରିପାରିଥିଲେ। ରାଜ୍ୟ ବିଜେପି କୃଷକ ମୋର୍ଚ୍ଚା ସଂଯୋଜକ ଭାବେ ମନୋନୀତ ହେବା ପରେ ନିଜର ପ୍ରତିକ୍ରିୟାରେ ଶ୍ରୀ ନାୟକ ପ୍ରକାଶ କରିଛନ୍ତି ଯେ ରାଜ୍ୟ ନେତୃତ୍ୱ ମୋ ଉପରେ ଭରସା ରଖି ଯେଉଁ ଦାୟିତ୍ୱ ଦେଇଛନ୍ତି, ସେ ଦାୟିତ୍ୱ ତୃଣମୂଳ ସ୍ତରରୁ ସୁଦୃଢ କରିବା ପାଇଁ ଆନ୍ତରିକ ଉଦ୍ୟମ କରିବି। ତାଙ୍କୁ କୃଷକ ମୋର୍ଚ୍ଚା ରାଜ୍ୟ ସଂଯୋଜକ ଭାବେ ମନୋନୀତ କରାଯାଇଥିବାରୁ ରାଜ୍ୟ ନେତୃବୃନ୍ଦଙ୍କୁ କୃତଜ୍ଞତା ଜଣାଇଛନ୍ତି।