ପ୍ରଧାନ ଶିକ୍ଷୟତ୍ରୀଙ୍କୁ ଅବସରକାଳୀନ ସମ୍ବର୍ଦ୍ଧନା ପ୍ରଦାନ

ଭଣ୍ଡାରିପୋଖରୀ, ( ଦୁର୍ଯ୍ୟଧନ ଲେଙ୍କା) : ଭଣ୍ଡାରିପୋଖରୀ ବ୍ଲକ ଦେଓପଦା ଶାନ୍ତିବଟ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷୟତ୍ରୀ ସରୋଜିନୀ ମହାପାତ୍ରଙ୍କୁ ଅବସରକାଳୀନ ସମ୍ବର୍ଦ୍ଧନା ପ୍ରଦାନ କରାଯାଇଛି । ବିଦ୍ୟାଳୟ ପରିଚାଳନା କମିଟି ସଭାପତି ବିନୋଦ ବିହାରୀ ରାଉତଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ଏବିଓ ଅନିଲ କୁମାର ବଳ, ମୁଖ୍ୟବକ୍ତା ଭାବେ କେଆର ଉଚ୍ଚ ବିଦ୍ୟାପୀଠର ପ୍ରଧାନଶିକ୍ଷକ ସୁରେଶ ଚନ୍ଦ୍ର ସାହୁ, ସମ୍ମାନୀତ ଅତିଥି ଭାବେ ସାଧନକେନ୍ଦ୍ର ସଂଯୋଜକ କୈଳାସ ଚନ୍ଦ୍ର ସାମଲ ଯୋଗଦେଇ ବିଦାୟୀ ପ୍ରଧାନ ଶିକ୍ଷୟତ୍ରୀଙ୍କ ଜୀବନବ୍ୟାପୀ ଶିକ୍ଷାଦାନ ପ୍ରଣାଳୀ ଉପରେ ବକ୍ତବ୍ୟ ପ୍ରଦାନ କରିଥିଲେ । ଏହି ଅବସରରେ ଶ୍ରୀମତୀ ମହାପାତ୍ରଙ୍କୁ ପୁଷ୍ପଗୁଚ୍ଛ, ମାନପତ୍ର ଓ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା । ଶିକ୍ଷୟତ୍ରୀ ସୁଷମାରାଣୀ ସେନାପତି ସ୍ୱାଗତଭାଷଣ, ଶିକ୍ଷକ ନିଗମାନନ୍ଦ ମିଶ୍ର ଅତିଥିପରିଚୟ ପ୍ରଦାନ କରିଥିବାବେଳେ ଶ୍ୟାମସୁନ୍ଦର ସାହୁ ଧନ୍ୟବାଦ ଦେଇଥିଲେ । କାର୍ଯ୍ୟକ୍ରମକୁ ଶିକ୍ଷକ ରାଜେଶ କୁମାର ବେହେରା, ଯଦୁନାଥ ରାଉତ, ରମାକାନ୍ତ ରାଉତ, ଦିଲ୍ଲୀପ ମହାପାତ୍ର, ଦିଗମ୍ବର ରାଉତ, ପଦ୍ମନାଭ ରାଉତ, ଶ୍ରୀଧର ବାରିକ, କମିଟି ମେମ୍ବର ମାଧବୀଲତା ଜେନା, ପ୍ରିୟଙ୍କା ଜେନା, ରଞ୍ଜିତା ପଲେଇ, ବନଲତା ସେନାପତି, ରେବତୀ ରାଉତ, ବିଜୟ କେତନ ରାଉତ, ଚନ୍ଦ୍ରମଣି ରାଉତ, ରମେଶ ଜେନା, ରଞ୍ଜନ ଜେନା, ଚିତ୍ତରଞ୍ଜନ ଜେନା, କମରୁନ ବିବିଙ୍କ ସମେତ ଗ୍ରାମବାସୀ ସଞ୍ଜୀବ କୁମାର ରାଉତ, ପଦ୍ମନାଭ ଜେନା, ପ୍ରଦୀ ଜେନା ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥିଲେ ।