ପ୍ରାକ୍ତନ ବିଧାୟକ ଅଂଶୁମାନ ମହାନ୍ତିଙ୍କ ଜନ୍ମଦିନରେ ଦୀର୍ଘାୟୁ କାମନା କଲେ ଶୁଭେଛୁ

ରାଜନଗର, (ୱା ଏନ ଏସ):କେନ୍ଦ୍ରାପଡା ଜିଲ୍ଲା ରାଜନଗର ବ୍ଲକ ସାନବଡ ଗୋପାଳପୁରୁ ପୁରାତନ କଂଗ୍ରସ ଅଫିସ ଠାରେ ହୋଇଥିବା ଅଂଶୁମାନଙ୍କର ନୂତନ ବିଜେଡି କାର୍ଯ୍ୟାଳୟ (2) ରେ ଆଜି ଆମର ସୁଖ ଦୁଃଖର ସାଥୀ ତଥା ରାଜନଗର ନିର୍ଵାଚନ ମଣ୍ଡଳୀର ପୂର୍ବତନ ବିଧାୟକ ଶ୍ରୀ ଅଂଶୁମାନ ମହାନ୍ତିଙ୍କ ଅନୁପସ୍ଥିତିରେ ଶୁଭ ଜନ୍ମ ଦିବସ ଉପଲକ୍ଷେ ତାଙ୍କର ଶୁଭେଛୁମାନେ କେକ୍ କାଟି ମିଷ୍ଟାନ୍ନ ବଣ୍ଟନ କରି ଜନ୍ମଦିନ ପାଳନ କରିଥିଲେ ।ଏହି ଅବସରରେ ପୂର୍ବତନ ବ୍ଲକ କଂଗ୍ରେସ ସଭାପତି ତଥା ଵର୍ତ୍ତମାନର ବିଜେଡି ନେତା ଶ୍ରୀ ଦେଵେନ୍ଦ୍ର କୁମାର ଜେନାଙ୍କ ନେତୃତ୍ଵରେ ଆରାଧ୍ୟ ଦେଵୀ ମା ମାଟିଆ ମଙ୍ଗଳାଙ୍କ ନିକଟରେ ଦୀପ ଦାନ କରାଯାଇ ଅଂଶୁମାନଙ୍କ ଦୀର୍ଘାୟୂ କାମନା କରିବା ସହ ଭଵିଷ୍ୟତ ଆଲୋକିତ ହୋଇ ଚଲାପଥକୁ ନିଷ୍କଣ୍ଟକ କରନ୍ତୁ ଵୋଲି ମାଙ୍କ ନିକଟରେ ସମସ୍ତେ ପ୍ରାର୍ଥନା କରିଥିଲେ।ପରେ ସ୍ଥାନୀୟ ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରରେ ରୋଗୀମାନଙ୍କୁ ଶୁଖିଲା ଖାଦ୍ୟ ଓ ଫଳ ବଣ୍ଟନ କରାଯାଇଥିଲା।ହେଲେ ଏହି ସ୍ନେହ ପୂର୍ଣ୍ଣ ଜନ୍ମ ଦିବସ ପାଳନ କାର୍ଯ୍ୟକ୍ରମରେ ଅଂଶୁମାନଙ୍କ ଶୁଭେଛୁ ଛଡା ଧୃଵଙ୍କ ଗୋଷ୍ଠି ଲୋକ କାହାରିଙ୍କୁ ଫଟୋରେ ଦେଖିବାକୁ ମିଳିନଥିବା ଆଲୋଚ୍ୟର ଚର୍ଚ୍ଚା ଚାଲିଛି।ଏହି ଅବସରରେ ,ଅଶୋକ ବଳ,ମୋହନ ଦାସ,ପ୍ରଭାତ ସୁନିଲ ରାଉଳ,ସରୋଜ ଜେନା,ଶତ୍ରୁଘ୍ନ ପରିଡ଼ା,ରଞ୍ଜିତ ବେହୁରା,ରଞ୍ଜନ ରାଉତ,ବିଜୟ ପାତ୍ର,ସରପଂଚ ସମୀର ସେଠୀ,ସସ୍ମିତା ମହାନ୍ତି,ରଞ୍ଜନ ମହାନ୍ତି, ଆର କେ ପାତ୍ର,ହେମନ୍ତ ସ୍ୱାଇଁ,ବଦ୍ରିନାରାୟଣ ରାଉତ,ପରମେଶ୍ବର ଦାସ,ନଳୀନ ରାଉଳ ପ୍ରମୁଖ ଯୋଗ ଦେଇଥିଲେ।