ପ୍ରାଚୀ ଗୁରୁ ଧର୍ମକ୍ଷେତ୍ର ରେ ଭକ୍ତ ଙ୍କ ଚତୁର୍ଦ୍ଦଶ ଉତ୍ସବ ଅନୁଷ୍ଠିତ
ନିମାପଡ଼ା, (ସନ୍ତୋଷ ଦାଶ):ପୁରୀ ଜିଲ୍ଲା ନୟାହାଟ ସ୍ଥିତ ସର୍ବଧର୍ମ ସମନ୍ଵୟ ର ପୀଠ ପ୍ରାଚୀ ଗୁରୁ ଧର୍ମକ୍ଷେତ୍ର ( ନୂଆ ମଠ) ଠାରେ ମଠ ର ଭକ୍ତ ସ୍ୱର୍ଗତ କାଶୀନାଥ ପ୍ରଧାନ ଙ୍କ ଚତୁର୍ଦ୍ଦଶ ଉତ୍ସବ ଅନୁଷ୍ଠିତ ହୋଇଯାଇଛି। ଆଶ୍ରମ ର ମୁଖ୍ୟ ବାବାଜୀ ଦାମୋଦର ଦାସ ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅନୁଷ୍ଠିତ ଉକ୍ତ ସାଧୁସଙ୍ଗ କାର୍ଯ୍ୟକ୍ରମ ରେ ବାବା କେଶବ,ମହନ୍ତ ଦିବ୍ୟକୃଷ୍ଣ ଦାସ, ବାବାଜୀ ରାମକୃଷ୍ଣ,ବାବା ଜ୍ୟୋତିରାନନ୍ଦ ଦାସ,ବାବା ଦିବ୍ୟକୃଷ୍ଣ ଦାସ, ବାବାଜୀ ବିବେକାନନ୍ଦ ଦାସ,ବାବାଜୀ ଚିତ୍ତବିନୋଦ ଦାସ, ବାବାଜୀ ଆତ୍ମାକୃଷ୍ଣ ଦାସ, ପ୍ରାଚୀ ଗବେଷକ ହଂସନାଥ ସାହୁ, ଡଃ. ରତ୍ନାକର ମହାନ୍ତି ପ୍ରମୁଖ ଯୋଗ ଦେଇ ସ୍ୱର୍ଗତ ପ୍ରଧାନ ଙ୍କ ସ୍ମୃତି ଚାରଣ କରିଥିଲେ। ଶ୍ରୀ ଗୁରୁଦେବ ଙ୍କ ଶ୍ରୀ ବିଗ୍ରହ ଓ ପାଦୁକା କୁ ସମାଧି ମନ୍ଦିର ରୁ ମହାମନ୍ତ୍ର ଓଁ କୃଷ୍ଣ ମଧୁସୂଦନ, ବାସୁଦେବ ଜନାର୍ଦ୍ଦନ, ନାମ ସଙ୍କୀର୍ତ୍ତନ ଓ ହରିବୋଲ ହୁଳହୁଳି ଶବ୍ଦରେ ଅଣାଯାଇଥିଲା। ବାବାଜୀ ଅକ୍ଷୟ ଦାସ ଷୋଡଶ ଉପଚାର ପୂଜା ପଦ୍ଧତି ରେ ଶ୍ରୀ ଗୁରୁଦେବ ବିଗ୍ରହ ଓ ପାଦୁକାକୁ ପୂଜା କରିଥିଲେ। ମା ଭକ୍ତା ଙ୍କ ଦ୍ଵାରାବନ୍ଦାପନା କରାଯାଇଥିଲା। ଉକ୍ତ କାର୍ଯ୍ୟକ୍ରମ କୁ ସେବକ ପ୍ରୀତି ରଞ୍ଜନ ଦାସ, କୃଷ୍ଣ ଚନ୍ଦ୍ର ଓଝା, ନୀଳମଣି ସାହୁ, ବ୍ରଜବନ୍ଧୁ ସାହୁ, ମହେଶ ସାହୁ ପ୍ରମୁଖ ପରିଚାଳନା କରିଥିଲେ।


