ପ୍ରେସ୍ ୟୁନିୟନ ପକ୍ଷରୁ ଅତିରିକ୍ତ ଆରକ୍ଷୀ ଅଧୀକକ୍ଷଙ୍କୁ ସମ୍ବର୍ଦ୍ଧନା
ଆରଡି, (ଆଲୋକ ଚନ୍ଦ୍ର ନାୟକ):ଭଦ୍ରକ ଜିଲ୍ଲାରେ ନୂତନ ଅତିରିକ୍ତ ଆରକ୍ଷୀ ଅଧୀକ୍ଷକ ଭାବେ ଯୋଗ ଦେଇଛନ୍ତି ଅଂଶୁମାନ ଦ୍ବିବେଦୀ । ଧୂଷୁରୀ ପ୍ରେସ ୟୁନିୟନ ପକ୍ଷରୁ ତାଙ୍କୁ ସମ୍ବର୍ଦ୍ଧନ ଜ୍ଞାପନ କରାଯାଇଛି ।ଏହି ଅବସରରେ ପ୍ରେସ ୟୁନିୟନ ସଭାପତି ସନ୍ତୋଷ ଦାସ, ସମ୍ପାଦକ ଦୀପ୍ତି ରଞ୍ଜନ ନାୟକ, କୋଷାଧ୍ଯକ୍ଷ ରତିକାନ୍ତ ନାୟକ, ବରିଷ୍ଠ ସାମ୍ବାଦିକ ରବି ନାରାୟଣ ଖିଲାର, ଉପଦେଷ୍ଟା ଅବସର ପ୍ରାପ୍ତ ଅଧ୍ୟାପକ ରବୀନ୍ଦ୍ର ବେହୁରିଆ, ଉପଦେଷ୍ଟା ପଣ୍ଡିତ ପଞ୍ଚାନନ ମିଶ୍ର ପ୍ରମୁଖ ତାଙ୍କୁ ସୌଜନ୍ୟ ମୂଳକ ସାକ୍ଷାତ କରିଥିଲେ । ଜିଲ୍ଲାର ପ୍ରମୁଖ ସ୍ଥାନ ଧୂଷୁରୀ ଓ ଶୈବପୀଠ ଆରଡିରେ ନାନା ସମସ୍ୟା ଉପରେ ପ୍ରେସ ୟୁନିୟନ କର୍ମକର୍ତ୍ତା ମାନେ ଆଲୋଚନା କରିଥିଲେ । ବିଶେଷ କରି ଏସବୁ ଅଞ୍ଚଳରେ ହେଉଥିବା ଚୋରୀ, ଚୋରାମଦ କାରବାର ବୃଦ୍ଧି, ଅସାମାଜିକ କାର୍ଯ୍ୟକଳାପ ବୃଦ୍ଧି ସମ୍ପର୍କରେ ସେମାନେ ଶ୍ରୀ ଦ୍ବିବେଦୀଙ୍ଲ ସହ ଆଲୋଚନା କରିଥିଲେ ।ଏସବୁକୁ ରୋକିବା ପାଇଁ ନିଶ୍ଚିତ ଧ୍ୟାନ ଦିଆଯାଇ କାର୍ଯ୍ୟାନୁଷ୍ଟାନ ଗ୍ରହଣ କରାଯିବ ବୋଲି ନୁତନ ଅତିରିକ୍ତ ଆରକ୍ଷୀ ଅଧିକ୍ଷକ ପ୍ରତିଶ୍ରୁତି ଦେଇଥିଲେ । ଏଥିସହିତ ବିଭିନ୍ନ ଗଠନ ମୂଳକ କାର୍ଯ୍ୟରେ ସାମ୍ବାଦିକ ମାନେ ଜିଲ୍ଲା ପୋଲିସଙ୍କୁ ସହଯୋଗ ଜାରିରଖିବେ ବୋଲି ସେ ଆଶାବ୍ୟକ୍ତ କରିଥିଲେ ।
