ପ୍ରେସ ଦିବସ ଅବସରରେ ସାମ୍ବାଦିକ ଙ୍କ ସୁରକ୍ଷା କୁ ଗୁରୁତ୍ୱ

ଶେରଗଡ, (ଯୁଗାବ୍ଦ ନ୍ୟୁଜ):ଶେରଗଡ ବ୍ଲକର କାର୍ଯ୍ୟରତ ସାମ୍ବାଦିକ ଙ୍କ ପକ୍ଷରୁ ସ୍ଥାନୀୟ ଦକ୍ଷିଣକାଳୀ ମନ୍ଦିର ପରିସରରେ ସଭାପତି ମେଘନାଦ ଦାସଙ୍କ ଅଧ୍ୟକ୍ଷତାରେ ଏକ ସଭା ଅନୁଷ୍ଠିତ ହୋଈଯାଈଛି। ଏହି ସଭାରେ ସାମ୍ବାଦିକ ମାନଙ୍କର ବିଭିନ୍ନ ସମସ୍ୟା, କାର୍ଯ୍ୟ କରିବା ପ୍ରଣାଳୀ, ସାମ୍ବାଦିକତା କରୁଥିବା ସମୟରେ ଆକ୍ରମଣ ର ଶିକାର ହେବା ଭଳି ସମସ୍ୟା ଉପରେ ଆଲୋଚନା ହୋଇଥିଲା। ଅନୁଷ୍ଠିତ ସଭା ରେ ଫୋରମ ର ସଭାପତି ଅଧ୍ୟକ୍ଷତା କରି ଗଣମାଧ୍ୟମ ପ୍ରତିନିଧିମାନେ ଖବର ସଂଗ୍ରହ ବେଳେ ଅନେକ ଘାତ ପ୍ରତିଘାତ ଦେଇ କରୁଥିବା ପ୍ରକାଶ କରିଥିଲେ। ସେମାନଙ୍କୁ ପୋଲିସ ପ୍ରଶାସନ ସୁରକ୍ଷା ଦେବା ସହ ସମସ୍ତ ସାମ୍ବାଦିକ ଯଥୋଚିତ ସହଯୋଗ କରିବା ଆବଶ୍ୟକ ରହିଛି ବୋଲି ପ୍ରକାଶ କରିଥିଲେ। ଏହି ସଭାରେ ଶେରଗଡ ବ୍ଲକର କାର୍ଯ୍ୟରତ ସମସ୍ତ ସାମ୍ବାଦିକ ଉପସ୍ଥିତ ରହି ନିଜ ନିଜର ବକ୍ତବ୍ୟ ଏବଂ ମତାମତ ପ୍ରଦାନ କରିଥିଲେ।