ଫେରାର ଅଭିଯୁକ୍ତଙ୍କୁ ଗିରଫ କଲା ପୋଲିସ

ଯୋଡ଼ା,(ଯୁଗାବ୍ଦ ନ୍ୟୁଜ୍‌):କେନ୍ଦୁଝର ଜିଲା ଯୋଡା ପୋଲିସ ଖଣି ଚୋରି ଅଭିଯୋଗରେ ଅଭିଯୁକ୍ତ ଥାଇ ଦୀର୍ଘ ଦିନରୁ ଫେରାର ଥିବା ଜଣେ ଅଭିଯୁକ୍ତକୁ ସୋମବାର ଗିରଫ କରିଛି । ଅଭିଯୁକ୍ତ ଜଣକ ହେଲେ ଯୋଡା ସହର ପୁରୁଣା ଥାନା ପଛପଟେ ଥିବା ବସ୍ତିର ଗୋପାଳ ମହାପାତ୍ର । ସେ ୨୦୦୯ ମସିହାରେ ଖଣି ଚୋରି ଅଭିଯୋଗରେ ଅଭିଯୁକ୍ତ ଥାଇ ଫେରାର ଥିଲେ । ତାଙ୍କ ନାମରେ ଜିଆର କେଶ୍ ନଂ ୩୧୬/୨୦୦୯ , ଦଫା ୩୭୯, ୨୧ ଏମଏମଡିଆର ଆକ୍ଟ ଯୋଡା ଥାନାରେ ରୁଜୁ ହୋଇଥିଲା । ସେହିପରି ଅପହରଣ ମାମଲା ଏସଟି ୪୩/୨୦୧୧ , ଦଫା ୪୫୭,୩୨୩ , ୩୬୬, ୫୦୬ , ୩୪ ଆଇପିସି ରେ କମାରଯୋଡା ଅଂଚଳର ଜୟନ୍ତ କୁମାର ଦେ ଅଭିଯୁକ୍ତ ଥାଇ ଫେରାର ଥିଲେ । ତାଙ୍କୁ ମଧ୍ୟ ଯୋଡା ପୋଲିସ ସୋମବାର ଗିରଫ କରି କୋର୍ଟ ଚାଲାଣ କରିଥିବା ଯୋଡା ଥାନା ଆଇଆଇସି ରାଇସେନ୍ ମୁର୍ମୁ ସୂଚନା ଦେଇଛନ୍ତି ।