ବଜ୍ରଘାତରେ ଜଣେ ଗୁରୁତର, ବିଦ୍ୟୁତ୍ ସେବା ପ୍ରଭାବିତ

ଭଞ୍ଜନଗର, (ସନ୍ତୋଷ କୁମାର ଜେନା): ଭଞ୍ଜନଗର ଅଞ୍ଚଳରେ ସୋମବାର ଅପରାହ୍ନ ୪ ଟା ରେ ପ୍ରବଳ ବର୍ଷା ହୋଇଥିଲା। ଏହା ୫ ଟା ପର୍ଯ୍ୟନ୍ତ ଲାଗି ରହିଥିଲା। ଏହାପରେ ସନ୍ଧ୍ୟାରେ ପୁଣି ଘଡଘଡି ସହ ବର୍ଷା ଲାଗିରହିଛି। ବଜ୍ରପାତ ଯୋଗୁଁ ଜଣେ ଗୁରୁତର ଭାବେ ଆହତ ହୋଇଛନ୍ତି। ସେ ହେଲେ ଭଞ୍ଜନଗର ତହସିଲ ଅନ୍ତର୍ଗତ ଲାଲସିଂ ନୁଆଁସାହିର ଅସୁଲି ବେହେରା (୬୨) । ଅସୁସ୍ଥ ଅସୁଲି ଭଞ୍ଜନଗର ମେଡ଼ିକାଲରେ ଚିକିତ୍ସିତ ହେଉଛନ୍ତି। ଅପରପକ୍ଷେ ବର୍ଷା ଯୋଗୁଁ ବିଦ୍ୟୁତ୍ ସେବା ମଧ୍ୟ ପ୍ରଭାବିତ ହୋଇଛି। ଭଞ୍ଜନଗର ସହରରେ ୩ ଘଣ୍ଟା ପରେ ବିଦ୍ୟୁତ୍ ସେବା ସ୍ବାଭାବିକ ହୋଇଥିବା ବେଳେ ଗ୍ରାମାଞ୍ଚଳର ଅନେକ ସ୍ଥାନରେ ଏବେବି ବିଦ୍ୟୁତ୍ ସେବା ସ୍ବାଭାବିକ ହୋଇପାରିନାହିଁ । ଯାହାକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ଘଟଣାରୁ ପ୍ରକାଶ ଯେ ଅସିଲୁ ଆଜି ୪ ଟା ରେ ନିଜ ଘର ସମ୍ମୁଖରେ ଠିଆ ହୋଇଥିଲେ। ଏହି ସମୟରେ ବଜ୍ରପାତ ମାରିବାରୁ ସେ ଆହତ ହୋଇଥିଲେ।