ବଜ୍ରପାତରେ ଜଣେ ମୃତ ,ଦୁଇ ଜଣଙ୍କ ଅବସ୍ଥା ସଂକଟାପନ୍ନ, ଆଠ ଜଣ ଗୁରୁତର ଆହତ

ମୟୂରଭଞ୍ଜ, (ଅକ୍ଷୟ କୁମାର ବିଶ୍ବାଳ):ମୟୂରଭଞ୍ଜ ଜିଲ୍ଲା ଝାରପୋଖରିଆ ଥାନା ଅନ୍ତର୍ଗତ କୁଅଁରଡ଼ିହି ଗ୍ରାମରେ ଅପରାହ୍ନ ସମୟରେ ବଜ୍ରପାତରେ ଘଟଣା ସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣଙ୍କ ଜୀବନ ସଂକଟାପନ୍ନ ରହିଛି ଅନ୍ୟ ୮ଜଣ ଆହତ ହୋଇଛନ୍ତି । ସୂଚନା ଅନୁଯାୟୀ ସାରସକଣା ବ୍ଲକ୍ ଅନ୍ତର୍ଗତ କୁଅଁରଡ଼ିହି ଠାରେ ଅପରାହ୍ନ ସମୟରେ ଘଡଘଡି ସହିତ ବର୍ଷା ହୋଇଥିଲା । ଚାଷ ପାଇଁ ବିଲରେ ପୂଜା କରୁଥିବା ସମୟରେ ବଜ୍ରପାତ ହୋଇଥିଲା । ବଜ୍ରପାତରେ ଗ୍ରାମର ନାରାୟଣ ହାଁସଦା (୬୧)ଙ୍କ ମୃତ୍ୟୁ ହୋଇଥିବା ବେଳେ ସମୁଦ୍ର ହାଁସଦା(୨୬) ଓ ସୁନା ହାଁସଦା(୨୦)ଙ୍କ ଅବସ୍ଥା ସଙ୍କଟାପନ୍ନ ଅବସ୍ଥାରେ ବାରିପଦା ମେଡିକାଲ କେଲେଜକୁ ପଠାଯାଇଛି ।ଖବର ପାଇ ଝାରପୋଖରିଆ IIC ସୁଦର୍ଶନ ଗାଂଗେଇ ଘଟଣା ସ୍ଥଳରେ ପହଞ୍ଚି ପୋଲିସ ଗାଡ଼ିରେ ବଜ୍ରପାତରେ ଅନ୍ୟ ୮ଜଣ ଆହତଙ୍କୁ ଶୀର୍ଷା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଇଛନ୍ତି ।