ବଟି ମାଗି ଜଣେ ଗିରଫ

ଭଣ୍ଡାରିପୋଖରୀ,(ଦୁର୍ଯ୍ୟୋଧନ ଲେଙ୍କା): ଭଣ୍ଡାରିପୋଖରୀ ଥାନା ଅଞ୍ଚଳରେ ଜଣେ ଯୁବକ ବଟି ମାଗି ଗିରଫ ହୋଇଥିବା ଜଣାପଡିଛି । ପୁଲିସ ପକ୍ଷରୁ ମିଳିଥିବା ସୂଚନା ଅନୁଯାୟୀ କେନ୍ଦ୍ରାପଡା ମାନପୁର ଗ୍ରାମର ସୁଧାଂଶୁ ମଲ୍ଲିକ ସ୍ଥାନୀୟ ରାଜପଥ ଉପରେ ଏକ ତାମିଲନାଡୁ ଟ୍ରକକୁ ଅଟକାଇ ଚାନ୍ଦା ଆଦାୟ କରୁଥିଲା । ଗାଡିଚାଳକ ଠାରୁ ଯୁବକ ଜଣକ ମୋବାଇଲ ଫୋନ, ଟଙ୍କା ଛଡାଇନେଇ ପଳାଇଯାଉଥିବା ବେଳେ ସ୍ଥାନୀୟ ଲୋକେ ଯୁବକକୁ କାବୁ କରିଥିଲେ । ପରେ ଥାନାକୁ ଖବର ଦିଆଯାଇଥିବାବେଳେ ପୁଲିସ ତତକ୍ଷଣାତ ଘଟଣାସ୍ଥଳକୁ ଯାଇ ଯୁବକକୁ ଗିରଫ କରିଥିଲା । ଏହା ସହିତ ଓଡି୨୨ଏସ୮୧୩୩ ଆପାଚୀ ଗାଡି, ଏକ ମୋବାଇଲ ଫୋନ, କିଛି ଏଟିଏମ କାର୍ଡ ଓ ନଗଦ ଟଙ୍କା ପୁଲିସ ଜବତ କରିଥିବା ଜଣାପଡିଛି । ଏନେଇ ଥାନା ପକ୍ଷରୁ ୫୮/୨୧ରେ ମାମଲା ରୁଜୁ କରାଯାଇଥିବାବେଳେ ଯୁବକ ଜଣକୁ କୋର୍ଟଚାଲାଣ କରାଯାଇଥିବା ଜଣାପଡିଛି ।