ବଡଭାଇର ଟାଙ୍ଗିଆ ଚୋଟରେ ସାନ ଭାଇ ମୃତ

ଭଞ୍ଜନଗର,(ସନ୍ତୋଷ ଜେନା):ଗଞ୍ଜାମ ଜିଲ୍ଲା ତାରାସିଂ ଥାନା ନୂଆ ବାଙ୍କତରା ଗ୍ରାମରେ ଅଭାବନୀୟ ଘଟଣା ଘଟିଯାଇଛି ।ଗୋଷ୍ଠୀ ସଂଘର୍ଷ ରେ ଜଣଙ୍କର ମୃତ୍ୟୁ ହୋଇଥିବା ବେଳେ ଚାରି ଜଣ ଗୁରୁତର ହୋଇଛନ୍ତି । ବଡ଼ ଭାଇର ଟାଙ୍ଗିଆ ଚୋଟରେ ସାନ ଭାଇର ମୃତ୍ୟୁ। ମୃତକ ହେଲେ କବିରାଜ ଗୌଡ଼ (45)। ସୂଚନା ମୁତାବକ କବିରାଜ ନିଜ ପୁଅ ସହ ମିଶି ଜମିକୁ ପାଣି ମଡାଇବାକୁ ଯାଇଥିବା ବେଳେ ପୂର୍ବରୁ କବିରାଜଙ୍କ ଭାଇ ଦେବ ଗୌଡ଼ ପରିବାର ସହ ମିଶି ଜମିରେ କାମ କରୁଥିଲେ। କବିରାଜ ନିଜ ଜମିକୁ ପାଣି ମଡ଼ାଇ ବାକୁ କେନ୍ଦ୍ର କରି ଦୁଇ ଭାଇଙ୍କ ମଧ୍ୟରେ କଳହ ହୋଇଥିଲା।ବଚସା ପରେ ଉଗ୍ରରୂପ ନେଇଥିଲା। ଠେଙ୍ଗା କୁରାଡ଼ି ଧରି ଉଭୟଙ୍କ ମଧ୍ୟରେ ଖଣ୍ଡ ଯୁଦ୍ଧ ଚାଲିଥିଲା।ସଂଘର୍ଷ ରେ ପାଞ୍ଚ ଜଣ ରକ୍ତାକ୍ତ ହୋଇଥିଲେ। ସ୍ଥାନୀୟ ଲୋକେ ଆମ୍ବୁଲାନ୍ସ ଯୋଗେ ଗୁରୁତର ଙ୍କୁ ଉଦ୍ଧାର କରି ଭଞ୍ଜନଗର ମେଡ଼ିକାଲରେ ଭର୍ତ୍ତି କରିଥିଲେ। ସେଠାରେ ଚିକିତ୍ସାଧୀନ ଅବସ୍ଥାରେ କବିରାଜଙ୍କ ମୃତ୍ୟୁ ହୋଇଛି। ତାରାସିଂ ପୋଲିସ ଦୁଇଟି କୁରାଢ଼ୀ ଜବତ କରି ଘଟଣାର ତଦନ୍ତ କରୁଛି।