ବଣବୁଲାପଲ୍ଲୀ ସେବା ସମବାୟ ସମିତି ପକ୍ଷରୁ ଧାନମଣ୍ଡି ଶୁଭାରମ୍ଭ
ଛତ୍ରପୁର, (ଯୁଗାବ୍ଦ ନ୍ୟୁଜ):ଛତ୍ରପୁର ବ୍ଲକ ବଣବୁଲାପଲ୍ଲୀ ସେବା ସମବାୟ ସମିତି ପକ୍ଷରୁ ଧାନମଣ୍ଡି ଶୁଭାରମ୍ଭ ହୋଇଛି । ଏହି କାର୍ଯ୍ୟକ୍ରମରେ ପୂର୍ବତନ ଜିଲ୍ଲା ପରିଷଦ ସଭ୍ୟ ମୁନା ଦାସ, ସରପଂଚ ସିଏଚ୍.ମନୋଜ କୁମାର ରେଡ୍ଡୀ, ସମିତି ସଭ୍ୟ ଏନ. ଚନ୍ଦ୍ରୟା ରେଡ୍ଡୀ, ସେବା ସମବାୟ ସମିତି ସଭାପତି ସିଏଚ୍.ସତ୍ୟନାରାୟଣ ରେଡ୍ଡୀ,ବ୍ଲକ ଯୋଗାଣ ନିରୀକ୍ଷକ ବର୍ଷାରାଣୀ ପାଢୀ ପ୍ରମୁଖ ମଣ୍ଡିକୁ ଉଦ୍ଘାଟନ କରିଛନ୍ତି । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ସିପିଆଇ ଜିଲ୍ଲା ସଂପାଦକ ନିଳକଣ୍ଠ ଦାଶ, ପୂର୍ବତନ ଜିଲ୍ଲା ପରିଷଦ ସଭ୍ୟ ଏନ୍.ଗିରିଜା ପ୍ରସାଦ ରେଡ୍ଡୀ, ମାଗୁଣି ବିଷୋୟୀ,ଏନ. ମୁନା ପାତ୍ର, ଏନ୍.କାମରାଜୁ ରେଡ୍ଡୀ, ଅତିଥି ଭାବେ ଯୋଗଦେଇଥିଲେ । ଚାଷୀମାନେ ଯେପରି ସୁବିଧାରେ ମଣ୍ଡିରେ ଧାନ ବିକ୍ରି କରିପାରିବେ ସେଥିପ୍ରତି ଉଚିତ୍ ପଦକ୍ଷେପ ନେବାକୁ ପରାମର୍ଶ ଦେଇଥିଲେ । ଚାଷୀ ସିଏଚ୍.ସୁଧାକର ରେଡ୍ଡୀ, କେ.ତୁମ୍ବେଶ୍ୱର ରେଡ୍ଡୀ, ବି.ପୁରୁଷୋତମ ପାତ୍ର, ଶିବରାମ ରେଡ୍ଡୀ, ଆର୍.ସନ୍ତୋଷ ରେଡ୍ଡୀ, ସୋମନାଥ ନାହାକ ପ୍ରମୁଖ ଚାଷୀଙ୍କ ଠାରୁ ପ୍ରାୟ ୪ ଶହ କ୍ୱିଂଟାଲ ଧାନ କିଣାଯାଇଥିଲେ ।
