ବନୀକରଣର ସମୀକ୍ଷା କଲେ ଫୁଲବାଣୀର ଫରେଷ୍ଟ ଟିମ

ଶେରଗଡ଼,(ବିଭୁ ପ୍ରସାଦ ଦାଶ):ଶେରଗଡ ଫରେଷ୍ଟ ଅଧିନରେ ନରେନ୍ଦ୍ରପୁର ଗ୍ରାମ ନିକଟ ପାକିଡି ପାହାଡ ଜଙ୍ଗଲରେ ବନୀକରଣର ସମୀକ୍ଷା କରାଯାଇଛି। ଉକ୍ତ ଜଙ୍ଗଲ ରେ ୨୦ହଜାରରୁ ଅଧିକ ବିଭିନ୍ନ ଗଛ ଚାରା ଲଗାଯାଇଥିଲା। ସେଗୁଡିକ ସ୍ଥିତି ଓ ଗଛ ଗୁଡିକର ରକ୍ଷଣାବେକ୍ଷଣ ଦିଗରେ କି ପଦକ୍ଷେପ ନିଆଯାଇଛି ସେ ସଂପର୍କରେ ଅନୁଧ୍ଯାନ ପାଇଁ ଫୁଲବାଣୀ ବନ ଡିଭିଜନ ର ସହକାରୀ ବନ ସଂରକ୍ଷକ ମଙ୍ଗଳ ରଞ୍ଜନ କାଲୋ ଙ୍କ ନେତୃତ୍ବ ରେ ଫୁଲବାଣୀ ରେଂଜର ଶିବାନନ୍ଦ ଲେଙ୍କା ସମେତ ଏକ ଟିମ ନରେନ୍ଦ୍ର ପୁର ଗ୍ରାମ ନିକଟରେ ଥିବା ପାକିଡି ଜଙ୍ଗଲ ରେ ହୋଇଥିବା ଚାରା ରୋପଣ ର ସମୀକ୍ଷା କରିଥିଲେ। ଏହି ସମୟରେ ଚାରା ଗୁଡିକ ଲାଗିଥିବା ଜାଗାର ସ୍ଥିତି କେତେ ବଢିଲାଣି,ବଢିବାକୁ ବନ ବିଭାଗ ପକ୍ଷରୁ କି କି ପଦକ୍ଷେପ ନିଆଯାଇଛି ତାର ସଂପର୍କ ରେ ପଚାରି ବୁଝିଥିଲେ। କେତେ ପ୍ରତିଶତ ନଷ୍ଟ ହୋଇଛି, ପାଣି କେତେଦିନ ଦିଆଯାଇଛି ଉପଯୁକ୍ତ ଯତ୍ନ ନିଆଯାଇଛି ନା ତା ସଂପର୍କ ରେ ପଚାରି ବୁଝିଛନ୍ତି ଟିମ ର ସଦସ୍ଯ ମାନେ। ଚାରା ଗୁଡିକ ଲଗାଯିବା ପରେ ଉପଯୁକ୍ତ ବଢିବା ସହ ଠିକ ଯତ୍ନ ନିଆଯାଇଛି ବୋଲି ଖୁସିବ୍ଯକ୍ତ କରିଛନ୍ତି। ମୋଟ ୧୦ ହଜାର ଗଛର ସ୍ଥିତି ସମୀକ୍ଷା କରି ଫେରିଛନ୍ତି ଉକ୍ତ ଟିମ। ଉକ୍ତ ପରିଦର୍ଶନ ସମୟରେ ଆସିକା ରେଂଜର ପ୍ରମୋଦ କୁମାର ପଣ୍ଡା, ଶେରଗଡ ଫରେଷ୍ଟ ର ହରେକୃଷ୍ଣ ବାରିକ ସମେତ ଗାର୍ଡ ମାନେ ଉପସ୍ଥିତ ଥିଲେ।