ବନ୍ଦ ଘରୁ ସାମ୍ବାଦିକଙ୍କ ମୃତ ଦେହ ଉଦ୍ଧାର

ଗୋପାଳପୁର, (ରମେଶ ସାହୁ): ବେଲଗୁଣ୍ଠା ବ୍ଲକ ଅନ୍ତର୍ଗତ ଗାଙ୍ଗପୁର ଅଞ୍ଚଳର ତଥା ସୋରଡ଼ା ନିର୍ବାଚନୀ ମଣ୍ଡଳର କଂଗ୍ରେସଦଳର ଯୁବ ବ୍ଲକ ସଭାପତି ତଥା ସାମ୍ବାଦିକ ଜଗନ୍ନାଥ ନାୟକଙ୍କୁ କେହି ଦୁର୍ବୃତ୍ତ ପଥରଛେ ହତ୍ୟା କରୀଥିବା ଅଭିଯୋଗ ହୋଇଛି । ଖଇର ପୁଟିଗ୍ରମର ଜଗନ୍ନାଥ ନାୟକ ଗତ କିଛି ଦିନ ଧରି ଗୋପାଳପୁର ଏନ୍ଏସି ଅଫିସ୍ ରୋଡ଼ ପାଶ୍ୱରେ ଫୁଡ୍‌ କୋର୍ଟ ନାମରେ ଏକ ଫାଷ୍ଟଫୁଡ୍ ଦୋକାନ କରିଥିଲେ ଓ ଗୋପାଳପୁର ସମୁଦ୍ର ତଟ ରେଉ ସାହିରେ ଏକ ଘର ଭଡ଼ାନେଇ ରହୁଥିଲେ । ଗତ ପ୍ରାୟ ୪ ଦିନ ଧରି ସେ ଦୋକାନ ଖୋଲିନଥୁବା ବେଳେ ଘର ଲୋକଙ୍କ ସହ ମଧ୍ୟ ଯୋଗାଯୋଗ କରିନଥିଲେ, ପରେ ପରିବାର ଲୋକେ ଗୋପାଳପୁରରେ ପହଞ୍ଚି ଜଗନ୍ନାଥଙ୍କୁ ଖୋଜାଖୋଜି କରିବା ପରେ ତାଙ୍କ ସାନ ଭାଇ ପୂର୍ଣ୍ଣଚନ୍ଦ୍ର ନାୟକ ରବିବାର ତାଙ୍କ ଭଡ଼ାଘର ରେଓ ସାହିରେ ପହଞ୍ଚି ପରେ ଘର ବାହାର ପଟୁ ତାଲା ପଡିଥିବା ଏବଂ ଭିତରୁ ଦୁର୍ଗନ୍ଧ ବାହାରୁଥିବା ଦେଖି ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ପୋଲିସ, ମାଜିଷ୍ଟ୍ରେଟ୍ ତଥା କନିଷି ଅତିରିକ୍ତ ତହସିଲଦାର ସୌମେଶ୍ ରଣବୀଜୁଳିଙ୍କ ଉପସ୍ଥିତିରେ ତାଲା ଭାଙ୍ଗି ଦେଖୀଲା ବେଳକୁ ଜଗନ୍ନାଥଙ୍କ ରକ୍ତାକ୍ତ ଶବ ପଡିଥିବା ଦେଖିବାକୁ ମିଳିଥିଲା, ସବ ନିକଟରେ ବଡ଼ ପଥର, ଠେଙ୍ଗା ଓ ଲୁହାରଡ଼ ପଡିଥ‌ିବା ସହ ତାଙ୍କ ଶବକୁ ଘୋଡ଼ାଯାଇଥିବା ଦେଖୁବାକୁ ମିଳିଥିଲା । ଅନ୍ୟପକ୍ଷରେ ସେ ପିନ୍ଧିଥୁବା ସୁନା ମୁଦି ଓ ଚେନ୍ ନ ଥିବା ନେଇ ତାଙ୍କ ଭାଇ ଅଭି ଯୋଗ କରିବା ସହ ପୋଲିସ ଥାନାରେ ଅଭିଯୋଗ ଦାଖଲ କରିଥିଲେ । ପୋଲିସ ଶବକୁ ଉଦ୍ଧାର କରି ବ୍ୟବଚ୍ଛେଦ ନିମନ୍ତେ ପଠାଇବା ସହ ତଦନ୍ତ ଚଳାଇଥିବା ପ୍ରକାଶ । ତାଙ୍କ ମୃତ୍ୟୁରେ ସୋରଡ଼ା, ଖଇରପୁଟ, ବେଲଗୁଣ୍ଠା ଅଞ୍ଚଳରେ ଶୋକାର ଛାୟା ଖେଳିଯାଇଥିବା ବେଳେ ହତ୍ୟାର କାରଣ ବର୍ତ୍ତମାନ ସୁଦ୍ଧା ଜଣାପଡି ନାହିଁ, ପୋଲିସ ଏକ ମାମଲା ରୁଜୁ କରି ତଦନ୍ତ ଚଳାଇଥିବା ବେଳେ ଏହାର ସତ୍ୟ ସତ୍ୟା ଖୁବ ଶୀଘ୍ର ଜଣାପଡିବାସହ ଅପରାଧୀକୁ ତୁରନ୍ତ ଗିରଫ କରାଯିବ ବୋଲି ପୋଲିସ ସୂତ୍ରରୁ ପ୍ରକାଶ.