ବନ୍ଦ ଘର ଗ୍ରିଲ ଭାଙ୍ଗି ଚୋରି ଥାନାରେ ଏତଲା

ସାନଖେମୁଣ୍ଡି,(ପଦ୍ମଲୋଚନ ପାଣିଗ୍ରାହୀ ):ପାଟପୁର ଥାନା ନିକଟସ୍ଥ ମହାନଳା ସାନଖେମୁଣ୍ଡି ବ୍ଲକ ସାହି ଗୋଟାଏ ଘରୁ କେହି ଦୁର୍ବୃତ୍ତ ଚୋରି କରିଥିବା ନେଇ ରାଜେଶ ପାଢ଼ୀ ଥାନାରେ ଅଭିଯୋଗ କରିଥିବା ଜଣାପଡ଼ିଛି। ସୂଚନା ଅନୁଯାୟୀ ବ୍ଲକ ସାହିରେ ରହୁଥିବା ବାଳକୃଷ୍ଣ ପାଢ଼ୀ ସପରିବାର ନେଇ ପୁରୀ ରେ ରହୁଥିବା ବେଳେ ଘର ଚାବି ପକାଇ ଅଳ୍ପ ଦିନ ହେବ ଯାଇଥିଲେ ।ଗତ କାଲି ମଙ୍ଗଳବାର ବିଳମ୍ବିତ ରାତିରେ ଗ୍ରିଲ୍ ଚାବି ଘରର ସମସ୍ତ ଚାବି କବାଟ ଭାଙ୍ଗି ଆଲମେରା,ପେଢ଼ି,ଭାଙ୍ଗି ୨୦ ହଜାର ନେଇଥିବା ଅଭିଯୋଗ କରିଛନ୍ତି। ପଡିଶା ଘରେ ରହୁଥିବା ବାଳକୃଷ୍ଣ ଙ୍କ ବଡ଼ ଭାଇ ପୂର୍ଣ୍ଣଚନ୍ଦ୍ର ପାଢ଼ୀ ଖବର ଦେବା ପରେ ବାଳକୃଷ୍ଣ ଙ୍କ ପୁତ୍ର ରାଜେଶ ପାଢ଼ୀ ପୁରୀରୁ ଆସି ବୁଧୁବାର ସଂଧ୍ୟାରେ ପାଟପୁର ଥାନା ରେ ଏତାଲା ଦେଇଛନ୍ତି । ପୋଲିସ ଘଟଣାସ୍ଥଳକୁ ଯାଇ ତଦନ୍ତ ଚଳାଇଥିବା ସୂଚନା ମିଳିଛି।