ବରୁଣେଶ୍ୱର ପୀଠରେ ସ୍ମୃତି ଚାରଣ ସଭା
ଭଣ୍ଡାରିପୋଖରୀ, (ଦୁର୍ଯ୍ୟୋଧନ ଲେଙ୍କା):ଭଣ୍ଡାରିପୋଖରୀ ବ୍ଲକ ରହଣିଆ ପଞ୍ଚାୟତ ଆକୁଲିକଣା ସ୍ଥିତ ପ୍ରସିଦ୍ଧ ବରୁଣେଶ୍ୱର ପୀଠ ଠାରେ ଯାତ୍ରା କଳାକାର କୀର୍ତ୍ତନ ଧଳଙ୍କ ସଭାପତିତ୍ୱରେ ଏକ ସ୍ମୃତିଚାରଣ ସଭା ଅନୁଷ୍ଠିତ ହୋଇଯାଇଛି । ଏଥିରେ ଯାତ୍ରା ଦଳ ସତ୍ୱାଧିକାରୀ ତଥା ବରିଷ୍ଠ ବିଧାୟକ ପ୍ରଦୀପ ମହାରଥୀ, ଯାତ୍ରା କଳାକାର ମହେନ୍ଦ୍ର ଦାସ(ଭିକୁସେଟ) ଓ ଭଣ୍ଡାରିପୋଖରୀ ବ୍ଲକର ପ୍ରାକ୍ତନ ବିଡିଓ ବନମାଳୀ ତରାଇଙ୍କୁ ଶ୍ରଦ୍ଧାଞ୍ଜଳୀ ଅର୍ପଣ କରାଯାଇଥିଲା । କାର୍ଯ୍ୟକ୍ରମରେ ଅବସରପ୍ରାପ୍ତ ବ୍ୟାଙ୍କ ଅଧିକାରୀ ଅମୁଲ୍ୟ କୁମାର ସେଠୀ, ସମାଜସେବୀ ଅକ୍ଷୟ ସାହୁ, ସାମ୍ବାଦିକ ଦୁର୍ଯ୍ୟୋଧନ ଲେଙ୍କା, ଯୁବନେତା ଶିବାନୀ ଶଙ୍କର ସ୍ୱାଇଁ, କଳାକାର ନରେନ୍ଦ୍ର ମହାରଣା ପ୍ରମୁଖ ଉପସ୍ଥିତ ରହି ଦିବଂଗତ ଆତ୍ମାର ସଦଗତି ପାଇଁ ନୀରବ ପ୍ରାର୍ଥନା କରିଥିଲେ । କାର୍ଯ୍ୟକ୍ରମକୁ ସୁଶାନ୍ତ ସାମଲ, କରୁଣାକର ମହାନ୍ତି, ଜଗନ ସ୍ୱାଇଁ, ରାଜେଶ ଧଳ, କିଶୋର ବାରିକ, ଚନ୍ଦନ ସ୍ୱାଇଁ ପ୍ରମୁଖ ପରିଚାଳନା କରିଥିଲେ ।
