ବଳରାମ ବେହେରାଙ୍କ ‘ତୈଳଘଣାରେ ମାଟିକଳସ’ର ଲୋକାର୍ପଣ
ବାଲେଶ୍ୱର, (ସରୋଜ ପଣ୍ଡା):ବାଲେଶ୍ୱର ମହିଳା ମହାବିଦ୍ୟାଳୟର ପ୍ରାକ୍ତନ ଲାଇବ୍ରେରୀ ସହାୟକ ତଥା ଅବସରପ୍ରାପ୍ତ ରାଜ୍ୟ ସରକାରୀ କର୍ମଚାରୀ ସଂଘର ବରିଷ୍ଠ ପୃଷ୍ଟକ ବଳରାମ ବେହେରାଙ୍କ ‘ତୈଳଘଣାରେ ମାଟିକଳସ’ ଅବସରପ୍ରାପ୍ତ ରାଜ୍ୟ ସରକାରୀ କର୍ମଚାରୀ ସଂଘ ଗୃହରେ ଲୋକାର୍ପଣ ହୋଇଅଛି । ଇଂ. ବନମାଳୀ ନାୟକଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ରୂପ୍ସା ନୀଳମଣି ମହାବିଦ୍ୟାଳୟର ଅର୍ଥନୀତି ବିଭାଗ ପ୍ରାଧ୍ୟାପକ ବଂଶୀଧର ଦାସ ପୁସ୍ତକର ପ୍ରକାଶକ ସହିତ ଆଲୋଚକ ଭାବରେ ଯୋଗ ଦେଇଥିଲେ । ଅନ୍ୟମାନଙ୍କ ମଧ୍ୟରେ ଅବସରପ୍ରାପ୍ତ କର୍ମଚାରୀ ସଂଘର ଯୁଗ୍ମ ସମ୍ପାଦକ ସୁଦର୍ଶନ ଦାସ, ଅର୍ଥ ସମ୍ପାଦକ ଦାମୋଦର ନାୟକ ବକ୍ତବ୍ୟ ରଖିଥିଲେ । ଲେଖକ ଶ୍ରୀ ବେହେରା ପୁସ୍ତକର ଆଭିମୁଖ୍ୟ ଏବଂ ବିଷୟବସ୍ତୁ ସମ୍ବନ୍ଧରେ ଆଲୋଚନା କରିଥିଲେ । ସାମ୍ବାଦିକ ଦେବବ୍ରତ ପାଣିଗ୍ରାହୀ ମୁଖ୍ୟବକ୍ତା ଭାବରେ ଯୋଗଦେଇ ସାରଗର୍ଭକ ବକ୍ତବ୍ୟ ଦେଇଥିଲେ । ଅନ୍ୟମାନଙ୍କ ମଧ୍ୟରେ ଇଂ. ଗୌରାଙ୍ଗ ସାହୁ, ଦେବେନ୍ଦ୍ର ଚୌଧୁରୀ, ସୁଜିତ୍ କୁମାର ଜେନା, ଶ୍ରୀମତୀ ସାବିତ୍ରୀ ଦାସ, ଜ୍ୟୋତ୍ସ୍ନା ରାୟ, ପ୍ରଣିତା ମିଶ୍ର, ଭବେଶ ପଣ୍ଡା, ସୁରେନ୍ଦ୍ର ନାୟକ, ବସନ୍ତ କୁମାର ନାୟକ, ସଞ୍ଜୟ କୁମାର ପଣ୍ଡା, ଯୋଗେନ୍ଦ୍ର ନାଥ ସିଂ, ରବୀନ୍ଦ୍ର ପାଣି, ଶେଖ ଆଲ୍ଲାଉଦ୍ଦିନ୍ ଉପସ୍ଥିତ ଥିଲେ । ପ୍ରାକ୍ତନ ଅଧ୍ୟାପକ ପ୍ରଶାନ୍ତ କୁମାର ଦାସ ଧନ୍ୟବାଦ ଦେଇଥିଲେ ।
