ବସଷ୍ଟାଣ୍ଡରୁ ଗଞ୍ଜେଇ ଜବତ, ଦୁଇ ଗିରଫ

ଭବାନୀପାଟଣା : ଟାଉନ୍ ଥାନା ପକ୍ଷରୁ ସ୍ଥାନୀୟ ବସଷ୍ଟାଣ୍ଡ ନିକଟରେ ଚଢାଉ କରି 20 କେଜି 220 ଗ୍ରାମ ଗଞ୍ଜେଇ ଜବତ କରିଛି ଭବାନୀପାଟଣା ଟାଉନ୍ ଥାନା ପୋଲିସ। ଏହି ଘଟଣାରେ ନବରଙ୍ଗପୁର ଅଞ୍ଚଳର 2 ଜଣଙ୍କୁ ଗିରଫ କରିଛି। ପ୍ରକାଶ ଯେ ଏହି ଦୁଇଜଣ ଭବାନୀପାଟଣା ବସଷ୍ଟାଣ୍ଡରେ ଦୁଇଟି ସ୍କୁଲ ବେଗ୍ରେ ଗଞ୍ଜେଇ ଭର୍ତ୍ତି କରି ଝାରସୁଗୁଡାକୁ ଚାଲାଣ କରୁଥିବା ସମୟରେ ନବରଙ୍ଗପୁର ଜିଲ୍ଲାର ଡଙ୍ଗରଭେଜା ଥାନା ଅନ୍ତର୍ଗତ ସାଗରମୁଣ୍ଡା ଗ୍ରାମର ସସପିନ ଗରଡା ଓ ମୋତିଲାଲ ବାଗଙ୍କୁ ଗିରଫ କରି କୋର୍ଟ ଚାଲାଣ କରାଯିବ ବୋଲି ଟାଉନ୍ ଥାନା ଅଧିକାରୀ ସତ୍ୟ କୁମାର ନନ୍ଦ ପ୍ରକାଶ କରିଛନ୍ତି।